Advertisement

ಮನೆಯಲ್ಲೇ ಹಣಗಳಿಸುವಂತೆ ಹೇಳಿ ಲಕ್ಷಾಂತರ ರೂ. ದೋಖಾ

11:39 AM Jun 09, 2022 | Team Udayavani |

ಬೆಂಗಳೂರು: ಮನೆಯಲ್ಲಿ ಕುಳಿತು ಹಣಗಳಿಸಬಹುದು ಎಂದು ವ್ಯಕ್ತಿಯೊಬ್ಬರಿಗೆ ಯುವತಿಯೊಬ್ಬಳು ವೆಬ್‌ಸೈಟ್‌ನ ಲಿಂಕ್‌ ಕಳುಹಿಸಿ ಲಕ್ಷಾಂತರ ರೂ. ದೋಚಿರುವ ಘಟನೆ ನಡೆದಿದೆ.

Advertisement

ಈ ಸಂಬಂಧ ಗಂಗೊಂಡನಹಳ್ಳಿ ನಿವಾಸಿ ಸೈಯದ್‌ ನುಸ್ರತ್‌ ಮೆಹಮೊದಿ(34) ಪಶ್ಚಿಮ ವಿಭಾಗದ ಸೆನ್‌ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.

ಸೈಯದ್‌ಗೆ ಸಾಮಾಜಿಕ ಜಾಲತಾಣದಲ್ಲಿ 2021ರ ಡಿಸೆಂಬರ್‌ನಲ್ಲಿ ಅಥೇನಾ ವಿಲ್‌ಸನ್‌ ಎಂಬಾಕೆ ಪರಿಚಯವಾಗಿದ್ದು, ಆಕೆಯ ಜತೆ ವಾಟ್ಸ್‌ಆ್ಯಪ್‌ ಚಾಟಿಂಗ್‌ ನಲ್ಲಿ ವಿದೇಶಕ್ಕೆ ಹೋಗಿ ಕೆಲಸ ಮಾಡುವ ಬಗ್ಗೆ ಹೇಳಿಕೊಂಡಿದ್ದಾರೆ. ಆಗ ಮನೆಯಲ್ಲಿ ಕುಳಿತು ಹಣ ಗಳಿಸಬಹುದು ಎಂದು www.open93.com ಎಂಬ ವೆಬ್‌ಸೈಟ್‌ ಲಿಂಕ್‌ ಕಳುಹಿಸಿ, ಅದರಲ್ಲಿ ರಿಜಿಸ್ಟ್ರರ್‌ ಮಾಡಿಕೊಳ್ಳುವಂತೆ ಸೂಚಿಸಿದ್ದಾಳೆ. ಬಳಿಕ 100 ಡಾಲರ್‌ಗಳನ್ನು ಬಿನ್‌ ನಾನ್ಸ್‌ ಆನ್‌ಲೈನ್‌ ಮನಿಟ್ರಾನ್ಸ್‌ಫ‌ರ್‌ ಆ್ಯಪ್‌ನಿಂದ ಆಕೆಯ ವ್ಯಾಲೆಟ್‌ಗೆ ಕಳುಹಿಸಿಕೊಂಡಿದ್ದಾಳೆ.

ಹೀಗೆ 6.18 ಲಕ್ಷ ರೂ. ಅನ್ನು ಹೂಡಿಕೆ ಮಾಡಿಸಿದ್ದಾಳೆ. ಇದೀಗ ಹೂಡಿಕೆ ಹಣವನ್ನು ವಾಪಸ್‌ ಪಡೆಯಲು ಮುಂದಾದಾಗ ಸಾಧ್ಯವಾಗುತ್ತಿಲ್ಲ. ಹೀಗಾಗಿ ಯುವತಿ ಹಾಗೂ ವೆಬ್‌ಸೈಟ್‌ ವಿರುದ್ಧ ಕಾನೂನು ಕ್ರಮಕ್ಕೆ ಸೈಯದ್‌ ದೂರು ನೀಡಿದ್ದಾರೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next