Advertisement
ಎಲ್ಲೆಲ್ಲಿ ತಂಗುದಾಣ?
Related Articles
Advertisement
ದಂಡ
ವಿನಾಯಕ ಥಿಯೇಟರ್‌ ಬಳಿಯ ರಿಕ್ಷಾ ನಿಲ್ದಾಣ ವಿವಾದ ಕೆಲ ಸಮಯಗಳಿಂದ ಗರಿಗೆದರಿದ್ದು ನ್ಯಾಯಾಲಯದ ಮೆಟ್ಟಿಲೇರಿ ತೀರ್ಪು ಪಡೆದಿದೆ. ಆದೇಶದ ಪ್ರಕಾರ ಪುರಸಭೆ ಅನಧಿಕೃತ ನಿಲ್ದಾಣ ಎಂದು ಬೋರ್ಡು ತಗುಲಿಸಿದೆ. ಸಾರಿಗೆ ಇಲಾಖೆಯವರು ಆಗಾಗ ಬಂದು 1ರಿಂದ 10 ಸಾವಿರ ರೂ.ವರೆಗೆ ಬಡ ರಿಕ್ಷಾ ಚಾಲಕರ ಮೇಲೆ ದಂಡ ವಿಧಿಸುವ ನೋಟಿಸ್‌ ನೀಡಿದ್ದಾರೆ. ಮಾಸಿಕ ಕಂತು ಪಾವತಿ, ಡೀಸೆಲ್‌, ಪೆಟ್ರೋಲ್‌, ಅನಿಲ ದರ ದುಬಾರಿಯಾದ ಬೆನ್ನಲ್ಲೇ, ಪ್ರಯಾಣಿಕರ ಸಂಖ್ಯೆ ಕಡಿಮೆಯಾಗಿ ರಿಕ್ಷಾಗಳ ಸಂಖ್ಯೆ ಹೆಚ್ಚಾದ ಸಂದರ್ಭದಲ್ಲಿ ಚಾಲಕ ರಿಗೆ ಗಾಯದ ಮೇಲೆ ಬರೆ ಎಳೆದಂತೆ ದಂಡ ಪ್ರಹಾರ ಬೀಳುತ್ತಿದೆ. ಕಷ್ಟಪಟ್ಟು ಬದುಕುತ್ತಿರುವ ರಿಕ್ಷಾ ಚಾಲಕರ ಹೊಟ್ಟೆ ಮೇಲೆ ಹೊಡೆಯುವ ಕೆಲಸವಾಗುತ್ತಿದೆ ಎನ್ನುತ್ತಾರೆ ರಿಕ್ಷಾ ಚಾಲಕ ಮಹೇಶ್‌ ಶೆಣೈ.
ಯಾಕಾಗಿಲ್ಲ
ಮೂರು ನಾಲ್ಕು ದಶಕಗಳಿಂದಲೂ ರಿಕ್ಷಾಗಳು ನಿಲುಗಡೆಯಾಗುತ್ತಿವೆ. ಪುರಸಭೆ ಯಾಗಲೀ, ಸಾರಿಗೆ ನಿಯಂತ್ರಣ ಪ್ರಾಧಿಕಾರವಾಗಲೀ ಈವರೆಗೆ ಇಲ್ಲಿ ಅಧಿಕೃತ ರಿಕ್ಷಾ ನಿಲುಗಡೆಗೆ ವ್ಯವಸ್ಥೆಯಾಗ ಬೇಕೆಂದು ಮನಸ್ಸು ಮಾಡಿಲ್ಲ. ವರ್ಷಕ್ಕೆ ನೂರಾರು ರಿಕ್ಷಾಗಳಿಗೆ ಅನುಮತಿ ನೀಡುವ ಪ್ರಾಧಿಕಾರ ಅವುಗಳ ನಿಲುಗಡೆ ಕುರಿತು ಗಮನ ಹರಿಸುವುದಿಲ್ಲ. ಬಸ್‌ ಗಳಿಗೆ ಅನುಮತಿ ನೀಡುವಾಗ ಸುವ್ಯವಸ್ಥಿತ ಕ್ರಮದಲ್ಲಿ ಮಾರ್ಗಸೂಚಿ, ಸಮಯ, ನಿಲ್ದಾಣಗಳು ನಿಗದಿಯಾಗುತ್ತವೆ. ರಿಕ್ಷಾ ಗಳಿಗೂ ಬ್ಯಾಡ್ಜ್, ಮೀಟರ್‌, ಯೂನಿಫಾರಂ, ಪ್ರಥಮ ಚಿಕಿತ್ಸಾ ಪೆಟ್ಟಿಗೆ, ಚಾಲಕ- ವಾಹನದ ಮಾಹಿತಿ ಫ‌ಲಕ, ಸಹಾಯವಾಣಿ ಮಾಹಿತಿ ಕಡ್ಡಾಯ ಮಾಡಿದಂತೆ ನಿಲುಗಡೆಗೆ ಸೂಕ್ತ ಅಧಿಕೃತ ವ್ಯವಸ್ಥೆಯಾಗಬೇಕಿದೆ.
ಈ ಹಿಂದೆ ಗುಣರತ್ನ ಹಾಗೂ ನರಸಿಂಹ ಅವರು ಅಧ್ಯಕ್ಷರಾಗಿದ್ದ ಸಮಯ ರಿಕ್ಷಾ ನಿಲ್ದಾಣ ಕುರಿತು ನಿರ್ಣಯ ಮಾಡಿ ಜಿಲ್ಲಾಧಿಕಾರಿಗಳಿಗೆ ಕಳುಹಿಸಲಾಗಿತ್ತು. ಈವರೆಗೆ ಯಾವುದೇ ಪ್ರತಿಸ್ಪಂದನ ಬಂದಿಲ್ಲ. ಈ ಬಾರಿ ಆಡಳಿತ ಮಂಡಳಿ ಸ್ಪಷ್ಟ ತೀರ್ಮಾನ ಕೈಗೊಳ್ಳಲಿದೆ ಎನ್ನುತ್ತಾರೆ ಪುರಸಭೆ ಸದಸ್ಯ ಸಂತೋಷ್‌ ಕುಮಾರ್‌ ಶೆಟ್ಟಿ.
ನಿಯಮ ಮಾಡಲಿ
ಒಂದು ಪ್ರದೇಶದ ರಿಕ್ಷಾಗಳು ಇನ್ನೊಂದು ಪ್ರದೇಶದಲ್ಲಿ ನಿಲುಗಡೆ ಮಾಡುವಂತಿಲ್ಲ, ಗ್ರಾಮಾಂತರ ರಿಕ್ಷಾಗಳು ನಗರದಲ್ಲಿ ಬಾಡಿಗೆ ಮಾಡುವಂತಿಲ್ಲ ಎಂಬೆಲ್ಲ ನಿಯಮಗಳಿದ್ದಂತೆ ನಿಲ್ದಾಣಕ್ಕೂ ಆಗಬೇಕಿದೆ. ಕಾನೂನಿನಲ್ಲಿ ಇಲ್ಲ ಎಂದಾದರೆ ಸೇರಿಸುವ ಕೆಲಸ ಆಗಬೇಕು. ಏಕೆಂದರೆ ಇ-ರಿಕ್ಷಾಗಳನ್ನು ಹಳೆ ಕಾಯ್ದೆಗೆ ಸೇರ್ಪಡೆ ಮಾಡಲಾಗಿದೆ. ಅದೇ ರೀತಿ ನಿಲ್ದಾಣ ವ್ಯವಸ್ಥೆಯೂ ಸ್ಥಳೀಯಾಡಳಿತ ಹಾಗೂ ಪ್ರಾಧಿಕಾರದ ಮೂಲಕ ಆದರೆ ಸಂಭಾವ್ಯ ಸಂಘರ್ಷಗಳು ಹಾಗೂ ಸಮಸ್ಯೆಗಳಿಗೆ ತೆರೆ ಎಳೆಯಬಹುದು.
ಸೂಕ್ತ ನಿರ್ಣಯ ಪುರಸಭೆಯಲ್ಲಿ ಅಧಿಕೃತ ರಿಕ್ಷಾ ನಿಲ್ದಾಣಗಳಿಲ್ಲ. ಈ ಕುರಿತು ಪುರಸಭೆ ವಿಶೇಷ ಸಭೆಯಲ್ಲಿ ಆರ್‌ಟಿಒ ಜತೆಗೂಡಿ ಸ್ಪಷ್ಟ ತೀರ್ಮಾನ ಕೈಗೊಳ್ಳಲಾಗುವುದು. -ಗೋಪಾಲಕೃಷ್ಣ ಶೆಟ್ಟಿ, ಮುಖ್ಯಾಧಿಕಾರಿ, ಪುರಸಭೆ
-ಲಕ್ಷ್ಮೀ ಮಚ್ಚಿನ