ಬಳ್ಳಾರಿ: ಇಲ್ಲಿನ ಪಟೇಲ್ ನಗರದಲ್ಲಿನ ಸಣ್ಣ ದುರ್ಗಮ್ಮ ದೇಗುಲದಲ್ಲಿ ಭಾನುವಾರ ನಡುರಾತ್ರಿ ಎರಡು ಗಂಟೆಯ ಸುಮಾರಿಗೆ ಕಳ್ಳತನ ನಡೆದಿದ್ದು, ಕಾಣಿಕೆ ಹುಂಡಿಯಲ್ಲಿನ ಹಣ ಸೇರಿ ದೇವಿಯ ಆಭರಣಗಳನ್ನು ದೋಚಿ ಪರಾರಿಯಾಗಿದ್ದಾರೆ.
ಈ ದೇಗುಲಕ್ಕೆ ತಡರಾತ್ರಿ ನುಗ್ಗಿರುವ ಕಳ್ಳರು ದೇಗುಲದ ಹುಂಡಿಯನ್ನು ಒಡೆದು ಬಿಡಿಗಾಸು ಕಾಣಿಕೆ ಹಾಗೂ ದುರ್ಗಮ್ಮ ದೇವಿಗೆ ಅಲಂಕರಿಸುವ ಬೆಳ್ಳಿ ಮತ್ತು ಚಿನ್ನಾಭರಣ ದೋಚುತ್ತಿರುವ ಕಳ್ಳರ ಕೈಚಳಕದ ಸನ್ನಿವೇಶವು ದೇಗುಲದ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದೆ.
ಬಳ್ಳಾರಿಯ ಪಟೇಲ್ ನಗರದಲ್ಲಿರೋ ಈ ದೇಗುಲಕ್ಕೆ ನುಗ್ಗಿದ ಕಳ್ಳರು ನಿನ್ನೆ ರಾತ್ರಿ ದೇವರ ಬೆಳ್ಳಿ , ಬಂಗಾರದ ಒಡವೆ ಸೇರಿದಂತೆ ಹುಂಡಿಯನ್ನು ಒಡೆದು ಹಣ ದೋಚಿದ್ದಾರೆ.
ಕಳ್ಳರ ಪ್ರತಿಯೊಂದು ಚಲನವಲವು ಸಿಸಿ ಟಿವಿ ಕ್ಯಾಮರಾದಲ್ಲಿ ದಾಖಲಾಗಿದೆ. ಆದ್ರೇ, ಮುಖಕ್ಕೆ ಬಟ್ಟೆ ಕಟ್ಟಿದ ಪರಿಣಾಮ ಕಳ್ಳರನ್ನು ಗುರುತಿಸುವುದು ಕಷ್ಟ ಎನ್ನಲಾಗುತ್ತಿದೆ.
ಸದ್ಯ ಸ್ಥಳಕ್ಕೆ ಭೇಟಿ ನೀಡಿದ ಗಾಂಧಿನಗರ ಪೊಲೀಸರು ಶ್ವಾನ ದಳದೊಂದಿಗೆ ತಪಾಸಣೆ ನಡೆಸಿದ್ದಾರೆ.
