Advertisement

ವಿವಿಧೆಡೆ ಕಳ್ಳತನ: 2.20 ಲಕ್ಷ ಮೌಲ್ಯದ ವಸ್ತು-ಹಣ ಜಪ್ತಿ

05:25 PM Aug 09, 2022 | Team Udayavani |

ಭಾಲ್ಕಿ: ಪಟ್ಟಣದ ನಗರ ಮತ್ತು ಗ್ರಾಮೀಣ ಪೊಲೀಸ್‌ ಠಾಣೆಯ ಒಟ್ಟು ಎಂಟು ಪ್ರಕರಣಗಳಲ್ಲಿ ಭಾಗಿಯಾಗಿದ್ದ ಮೂವರು ಕಳ್ಳರನ್ನು ಬಂಸಿರುವ ಭಾಲ್ಕಿ ಪೊಲೀಸರು, ಒಟ್ಟು 2.20 ಲಕ್ಷ ರೂ. ಮೌಲ್ಯದ ವಸ್ತು, ಹಣ ಜಪ್ತಿ ಮಾಡಿದ್ದಾರೆ.

Advertisement

ಭಾಲ್ಕಿ ಹಿರೇಮಠ ಗಲ್ಲಿಯ ನಿವಾಸಿಗಳಾದ ಆರೋಪಿ ಬಸವರಾಜ ಶರಣಪ್ಪ ಮಾನೆ, ಪ್ರಕಾಶ ಮಾನೆ, ಅಂಕುಶ ತುಕಾರಾಮ ಅವರು ದಿಲೀಪ ಸಂಗಶೆಟ್ಟಿ ಕುಡತೆ ಅವರ ಹೊಲದಲ್ಲಿ ಮೇ ತಿಂಗಳಲ್ಲಿ ನಡೆದಿದ್ದ ಸುಮಾರು 1.07 ಲಕ್ಷ ರೂ. ಮೌಲ್ಯದ ಮೋಟಾರ್‌ ಕೇಬಲ್‌ ವೈರ್‌ ಸೇರಿದಂತೆ ಇತರೆ ವಸ್ತುಗಳನ್ನು ಕಳ್ಳತನ ಮಾಡಿರುವುದು ಸೇರಿ ಒಟ್ಟು ಎಂಟು ಪ್ರಕರಣಗಳಲ್ಲಿ ಭಾಗಿಯಾಗಿದ್ದಾರೆ.

ಬಂಧಿತ ಆರೋಪಿಗಳಿಂದ 52 ಸಾವಿರ ರೂ. ಮೌಲ್ಯದ 6 ನೀರೆತ್ತುವ ಮೋಟಾರ್‌, 1.29 ಲಕ್ಷ ರೂ. ಮೌಲ್ಯದ ಕೇಬಲ್‌ ವೈರ್‌, 2 ಗ್ಯಾಸ್‌ ಸಿಲಿಂಡರ್‌, ಟಿವಿಎಸ್‌ ಮೋಟಾರ್‌ ಸೈಕಲ್‌ ಸೇರಿದಂತೆ ಇತರ ವಸ್ತು, ಹಣ ಜಪ್ತಿ ಮಾಡಿಕೊಂಡು ಆರೋಪಿಗಳನ್ನು ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿದ್ದಾರೆ.

ಕಳ್ಳತನ ಪ್ರಕರಣ ಭೇದಿಸಲು ಹಿರಿಯ ಅಧಿಕಾರಿಗಳ ಮಾರ್ಗದರ್ಶನದಲ್ಲಿ ನಗರ ಪೊಲೀಸ್‌ ಠಾಣೆ ಸಿಪಿಐ ಗುರಣ್ಣ ಹೆಬ್ಟಾಳ ನೇತೃತ್ವದಲ್ಲಿ ಪಿಎಸೈ ವಿಶ್ವಾರಾಧ್ಯ, ಸಿಬ್ಬಂದಿ ಸುಭಾಷ, ಉಮಾಕಾಂತ ದಾನಾ, ಲಕ್ಷ್ಮೀಪುತ್ರ, ಹಾವಣ್ಣ ಪೂಜಾರಿ, ವಿಕ್ರಮ ಶಾಮರಾಯ ಒಳಗೊಂಡ ತಂಡ ರಚಿಸಲಾಗಿತ್ತು.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next