ತೀರ್ಥಹಳ್ಳಿ: ಬಿಳಲುಕೊಪ್ಪ ಸಮೀಪ ಬಸ್ ಅಪಘಾತ: ಸಣ್ಣ-ಪುಟ್ಟ ಗಾಯ

ತೀರ್ಥಹಳ್ಳಿ: ಬೈಕ್- ಬಸ್ ಅಪಘಾತವಾದ ಘಟನೆ ತಾಲೂಕಿನ ಬಿಳಲುಕೊಪ್ಪದ ಬಳಿ ಶುಕ್ರವಾರ(ಡಿ.23) ನಡೆದಿದೆ.

ಉಡುಪಿಯಿಂದ ಆಗುಂಬೆ ಮಾರ್ಗವಾಗಿ ಶಿವಮೊಗ್ಗಕ್ಕೆ ಹೋಗುತ್ತಿದ್ದ ಕೆ.ಎಸ್.ಆರ್.ಟಿ.ಸಿ. ಬಸ್ ಹಾಗೂ ತೀರ್ಥಹಳ್ಳಿಯಿಂದ ಆಗುಂಬೆ ಮಾರ್ಗವಾಗಿ ಹೋಗುತ್ತಿದ್ದ ಬೈಕ್ ದಿಡೀರ್ ಬಸ್ ಗೆ ಅಡ್ಡ ಬಂದ ಪರಿಣಾಮ ಬೈಕ್ ತಪ್ಪಿಸಲು ಹೋಗಿ ಮರಕ್ಕೆ ಡಿಕ್ಕಿ ಹೊಡೆದ ಘಟನೆ ನಡೆದಿದೆ.

ಈ ಘಟನೆಯ ಪರಿಣಾಮ ಬಸ್ ನಲ್ಲಿದ್ದ ಕೆಲವರಿಗೆ ಸಣ್ಣ-ಪುಟ್ಟ ಗಾಯಗಳಾಗಿದ್ದು, ಅವರನ್ನು ಸರ್ಕಾರಿ ಜಯಚಾಮರಾಜೇಂದ್ರ ಆಸ್ಪತ್ರೆಗೆ ರವಾನಿಸಲಾಗಿದೆ ಎಂದು ತಿಳಿದು ಬಂದಿದೆ.