ಬಸ್‌ ಓಡಿಸುತ್ತಲೇ ಮೂರ್ಛೆ ಹೋದ ಶಾಲಾ ಬಸ್‌ ಚಾಲಕ… 66 ಮಕ್ಕಳ ಜೀವ ಉಳಿಸಿದ 7 ನೇ ತರಗತಿ ಬಾಲಕ

ಮಿಷಿಗನ್‌: ಶಾಲಾ ಮಕ್ಕಳನ್ನು ತುಂಬಿದ್ದ ಬಸ್‌ನ ಚಾಲಕನೊಬ್ಬ ಬಸ್‌ ಚಲಿಸುತ್ತಿರುವಾಗಲೇ ಮೂರ್ಛೆ ಹೋಗಿದ್ದು ಇದನ್ನು ಕಂಡ 7 ನೇ ತರಗತಿ ಬಾಲಕನೊಬ್ಬ ತಕ್ಷಣವೇ ಜಾಗೃತನಾಗಿ ಬಸ್‌ ನಿಲ್ಲಿಸಿದ ಪರಿಣಾಮ ದೊಡ್ಡ ಅನಾಹುತವೊಂದು ತಪ್ಪಿದೆ. ಇದೀಗ ಬಸ್‌ ಚಾಲಕ ಮೂರ್ಛೆ ಹೋದಾಗ ಬಾಲಕ ತೋರಿದ ಸಮಯಪ್ರಜ್ಙೆಯ ವೀಡಿಯೋ ಬಸ್‌ನಲ್ಲಿದ್ದ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದ್ದು ಬಾಲಕನ ಶೌರ್ಯಕ್ಕೆ ಭಾರೀ ಮೆಚ್ಚುಗೆ ವ್ಯಕ್ತವಾಗಿದೆ.

ಇದನ್ನೂ ಓದಿ: Jiah Khan case: ನಟ ಸೂರಜ್ ಪಾಂಚೋಲಿ ಖುಲಾಸೆ: ಮುಂಬೈ ಸಿಬಿಐ ಕೋರ್ಟ್​ ಆದೇಶ 

ಸುಮಾರು 66 ಮಕ್ಕಳನ್ನು ತುಂಬಿದ್ದ ಶಾಲಾ ಬಸ್ಸೊಂದನ್ನು ಚಾಲನೆ ಮಾಡುತ್ತಿದ್ದ ವ್ಯಕ್ತಿಯೊಬ್ಬ ದಿಢೀರ್‌ ಅಸ್ವಸ್ಥಗೊಂಡು ಪ್ರಜ್ಙೆ ತಪ್ಪಿದ್ದನ್ನು ಕಂಡ ಬಾಲಕ ತಕ್ಷಣ ಆತನ ಬಳಿ ಬಂದು ಬಸ್ಸಿನ ಸ್ಟೀರಿಂಗ್‌ನ್ನು ಹಿಡಿದು ಬಸ್ಸನ್ನು ನಿಲ್ಲಿಸುತ್ತಾನೆ. ಬುಧವಾರ ಅಮೇರಿಕದ ಮಿಷಿಗನ್‌ ನಗರದಲ್ಲಿ ನಡೆದ ಈ ಘಟನೆಯ ವೀಡಿಯೊವನ್ನು ಶಾಲಾ ಆಡಳಿತ ಮಂಡಳಿ ಶುಕ್ರವಾರ ಬಿಡುಗಡೆ ಮಾಡಿದ್ದು, ಬಾಲಕನ ಸಾಹಸಕ್ಕೆ ಭಾರೀ ಪ್ರಶಂಸೆ ವ್ಯಕ್ತವಾಗುತ್ತಿದೆ.