Advertisement
ಆ.29ರಂದು ಮೂಲ್ಕಿ ನರಸಿಂಹ ಕೃಪಾ ಸಭಾಭವನದಲ್ಲಿ ನಡೆದ ವಿವಾಹಕ್ಕೆ ನೂರಾರು ಜನರು ಸಾಕ್ಷಿಯಾದರು. ಅತಿಕಾರಿಬೆಟ್ಟು ಪುಂಡಲೀಕ ಕಾಮತ್‌ ಅವರ ದ್ವಿತೀಯ ಪುತ್ರ ಅರ್ಜುನ್ ಕಾಮತ್‌ ಬಾಲ್ಯದಿಂದಲೇ ಗೋವಾದಲ್ಲಿ ಬೆಳೆದು ಉದ್ಯೋಗ ನಿಮಿತ್ತ ಫಿನ್‌ಲ್ಯಾಂಡ್ಗೆ ತೆರಳಿದ್ದರು. ತಮ್ಮ ಮನೆ ಸನಿಹದ ಫಿಜೋì ದಂಪತಿಗಳ ಮಗಳು ಫೀನಿಷ್‌ ಯುವತಿ “ಎಲ್ಲಾ’ (ಹೆಸರನ್ನು ವಿದ್ಯಾಲಕ್ಷ್ಮೀ ಎಂದು ಬದಲಾಯಿಸಲಾಗಿದೆ.) ಎಂಬವರನ್ನು ಅವರು ಪ್ರೇಮಿಸಿದ್ದು, ವಿವಾಹವಾಗಲು ಇಬ್ಬರೂ ನಿರ್ಧರಿಸಿದ್ದರು. ಈ ಬಗ್ಗೆ ಹೆತ್ತವರ ಸಲಹೆ ಮೇರೆಗೆ, ಭಾರತದ ಸಂಸ್ಕೃತಿ, ಸಂಸ್ಕಾರವನ್ನು ಮರೆಯದೆ ಎಲ್ಲಾ-ಅರ್ಜುನ್ ವಿವಾಹವಾಗಿದ್ದಾರೆ.ಅಪ್ಪಟ ಭಾರತೀಯ ಶೈಲಿಯಲ್ಲಿ ಸಪ್ತಪದಿ ತುಳಿದ ಎಲ್ಲಾ ಮರುದಿನ ಅತಿಕಾರಿಬೆಟ್ಟುವಿನ ಕಾಮತರ ಹಿರಿಯರ ಮನೆಯಲ್ಲಿ ನಡೆದ ಸತ್ಯನಾರಾಯಣ ಪೂಜೆಯಲ್ಲೂ ಭಾಗಿಯಾಗಿ ತುಳಸಿ ಪೂಜೆ ಮಾಡಿದರು.