Advertisement
ನಗರದ ನವರತ್ನ ಹೊಟೇಲ್ನಲ್ಲಿ ನಡೆದ ಜಿಲ್ಲಾ ಸ್ವಯಂ ಸೇವಾ ಸಂಸ್ಥೆಗಳ ಸಭೆಯಲ್ಲಿ ಅಧ್ಯಕ್ಷತೆ ವಹಿಸಿ ಮಾತನಾಡಿದ ಅವರು, ಜಿಲ್ಲೆಯ 37 ಸ್ವಯಂ ಸೇವಾ ಸಂಸ್ಥೆಗಳು ಪಾಲ್ಗೊಂಡು ಜಿಲ್ಲೆಯ ಜ್ವಲಂತ ಸಮಸ್ಯೆಗಳಾದಹೊರ ವಲಸೆ, ದೇವದಾಸಿ ಪದ್ಧತಿ, ಬರಗಾಲ, ಆರ್ಥಿಕ ಅಭಿವೃದ್ಧಿ, ಮಹಿಳೆ-ಮಕ್ಕಳ ಅಭಿವೃದ್ಧಿ, ಬಾಲ್ಯ ವಿವಾಹ
ಪದ್ಧತಿ, ಪರಿಸರ ಸಂರಕ್ಷಣೆಗಾಗಿ ಮರ ಬೆಳೆಸುವ ಮೂಲಕ ಸಮಾಜಿಕ ಹೊಣೆಗಾರಿಕೆ ನಿಭಾಯಿಸಬೇಕು ಎಂದು
ಸಲಹೆ ನೀಡಿದರು. ಜಿಲ್ಲೆಯ ಸಮಸ್ಯೆ, ಸಂಕಲ್ಪ ಹಾಗೂ ದೃಷ್ಟಿಕೋನ ಗಮನದಲ್ಲಿಟ್ಟುಕೊಂಡು ಸಂಸ್ಥೆಗಳು ಸೇವೆ
ನೀಡಲು ಮುಂದಾಗಬೇಕು. ಶಾಸಕಾಂಗ, ಕಾರ್ಯಾಂಗ, ನ್ಯಾಯಾಂಗ, ಪತ್ರಿಕಾರಂಗ ಕೊನೆಯಲ್ಲಿ ಸೇವಾರಂಗ
ಐದನೇ ರಂಗ ಎಂಬುದನ್ನು ಮರೆಯಬಾರದು. ಹೀಗಾಗಿ ಸ್ವಯಂ ಸೇವಾ ಸಂಸ್ಥೆಗಳ ಕಾರ್ಯಕ್ರಮ ಹಾಗೂ ಸೇವಾ
ಬದ್ಧತೆ ತೋರಬೇಕು ಎಂದು ಕಿವಿಮಾತು ಹೇಳಿದರು. ಇದೇ ವೇಳೆ ವಿಜಯಪುರ ಜಿಲ್ಲೆಯ ಸ್ಥಿತಿಗತಿ, ಸ್ವಯಂ
ಸೇವಾ ಸಂಸೆಗಳ ಕುರಿತು ಸಭೆಯಲ್ಲಿ ಚರ್ಚಿಸಲಾಯಿತು.
ಒಕ್ಕೂಟ ಸಮಿತಿ ರಚಿಸಲಾಯಿತು. ಗೌರವಾಧ್ಯಕ್ಷೆಯಾಗಿ ಡಾ| ಮಲ್ಲಮ್ಮ ಯಾಳವಾರ, ಕಾರ್ಯಾಧ್ಯಕ್ಷರಾಗಿ
ವಾಸುದೇವ ತೋಳಬಂದಿ, ಸದಸ್ಯರಾಗಿ ಶಿವಕುಮಾರ ತೇಲಿ, ಸಬಿಯಾ ಮರ್ತೂರ, ಅನುಸೂಯಾ ಪರಗೊಂಡ,
ಬಸವರಾಜ ನವಲೆ, ಸರೋಜಾ ಬಿರಾದಾರ, ಬಾಬು ಸಜ್ಜನ, ಲತಾ ಪಾಟೀಲ, ಮಹಾದೇವ ದೇವರ, ಸಿದ್ದು
ಪೂಜಾರಿ, ಮಹಾದೇವಿ ಹುಲ್ಲೂರ ಅವರನ್ನು ಆಯ್ಕೆ ಮಾಡಲಾಯಿತು.