Advertisement
“ಬಿಗ್‌ ಲೋಟಸ್‌’ ಎಂದು ಕರೆಯ ಲ್ಪಡುವ, 80 ಸಾವಿರದಷ್ಟು ವೀಕ್ಷಕರ ಸಾಮರ್ಥ್ಯ ಹೊಂದಿರುವ, ಕ್ವಿಂಟಾಂಗ್‌ ನದಿ ತೀರದ “ಹ್ಯಾಂಗ್‌ಝೂ ಒಲಿಂಪಿಕ್‌ ಸ್ಪೋರ್ಟ್ಸ್ ಸೆಂಟರ್‌ ಸ್ಟೇಡಿಯಂ’ನಲ್ಲಿ ಏಷ್ಯನ್‌ ಗೇಮ್ಸ್‌ ಉದ್ಘಾಟನ ಸಮಾ ರಂಭ ರಂಗೇರಿಸಿಕೊಳ್ಳಲಿದೆ. ಚೀನದ ಸಂಸ್ಕೃತಿ-ಸಂಪ್ರದಾಯಯದ ಜತೆಗೆ ಆಧುನಿಕ ಚೀನದ ವೈಭವವಿಲ್ಲಿ ಅನಾವರಣಗೊಳ್ಳಲಿದೆ. ಡಿಜಿಟಲ್‌ ಟಾರ್ಚ್‌ಗಳ ಮಾಯಾಲೋಕ, ತ್ರೀಡಿ ಆ್ಯನಿಮೇಶನ್‌ ವೈವಿಧ್ಯ ಕೂಡ ವರ್ಣ ವೈಭವವನ್ನು ತೆರೆದಿಡಲಿದೆ.
ಚೀನದ ಅಧ್ಯಕ್ಷ ಕ್ಸಿ ಜಿನ್‌ಪಿಂಗ್‌ ಏಷ್ಯನ್‌ ಗೇಮ್ಸ್‌ ಉದ್ಘಾಟನ ಸಮಾರಂಭದ ಮುಖ್ಯ ಅತಿಥಿಯಾಗಿರಲಿದ್ದಾರೆ. ಕಾಂಬೋಡಿಯಾದ ರಾಜ ನೊರೋದೋಮ್‌ ಸಿಹಾಮೋನಿ, ಸಿರಿಯಾದ ಅಧ್ಯಕ್ಷ ಬಾಶರ್‌ ಅಲ್‌ ಅಸದ್‌, ಹಾಂಕಾಂಗ್‌ ಚೀನದ ಮುಖ್ಯಸ್ಥ ಜಾನ್‌ ಕೀ ಕಾ ಶಿಯು, ರಿಪಬ್ಲಿಕ್‌ ಆಫ್ ಕೊರಿಯಾದ ಪ್ರಧಾನಿ ಹಾನ್‌ ಡಕ್‌ ಸೂ ಮೊದಲಾದವರು ಈ ಸಮಾರಂಭದಲ್ಲಿ ಉಪಸ್ಥಿತರಿರುವರು.