ಅತಂತ್ರ ಆರ್ಥಿಕತೆಯ ಕರಿಛಾಯೆ

ಬೆಂಗಳೂರು: ರಾಜ್ಯ ರಾಜಕೀಯ ಅತಂತ್ರವನ್ನು ಮಾತ್ರ ಎದುರಿಸುತ್ತಿಲ್ಲ; ಹಣಕಾಸು ಮಸೂದೆ ಅಂಗೀಕಾರವಾಗದೆ ಇದ್ದರೆ ಆರ್ಥಿಕ ಅತಂತ್ರವನ್ನೂ ಎದುರಿಸಬೇಕಾದೀತು!

ಜು.31ರೊಳಗೆ ಹೊಸ ಸರಕಾರ ರಚನೆಯಾಗಿ ಹಣಕಾಸು ಮಸೂದೆ ಅಂಗೀಕಾರವಾಗದಿದ್ದರೆ ಸರಕಾರಿ ನೌಕರರ ಸಂಬಳ, ಸಹಿತ ಸರಕಾರದ ಎಲ್ಲ ಹಣಕಾಸು ವ್ಯವಹಾರಗಳೂ ಸ್ಥಗಿತಗೊಳ್ಳಲಿವೆ.

ಮುಖ್ಯಮಂತ್ರಿ 2019-20ನೇ ಸಾಲಿಗೆ 2.35 ಲಕ್ಷ ಕೋಟಿ ರೂ. ಬಜೆಟ್ ಮಂಡನೆ ಮಾಡಿದ್ದು, ಹಣಕಾಸು ವರ್ಷದ ಮೊದಲ 3 ತಿಂಗಳ ಬಜೆಟ್ ಅನುಮೋದನೆಗೊಂಡು ಜೂನ್‌ ಅಂತ್ಯದವರೆಗೂ ಸರಕಾರ ಆರ್ಥಿಕ ಚಟುವಟಿಕೆ ನಡೆಸಲು ವಿಧಾನಸಭೆ ಅನುಮೋದನೆ ನೀಡಿತ್ತು. ಮುಂದಿನ ಹಣಕಾಸು ಚಟುವಟಿಕೆಗೆ ಜು.31ರೊಳಗೆ ಅನುಮೋದನೆ ಪಡೆಯುವುದು ಅಗತ್ಯವಾಗಿತ್ತು.