ಸಾರ್ವಜನಿಕರ ದೂರಿನ ಹಿನ್ನೆಲೆ: ಪೊಲೀಸರಿಂದ ರಸ್ತೆ, ಸೇತುವೆ ಪರಿಶೀಲನೆ

ನಗರ : ಜಿಲ್ಲಾ ಪೊಲೀಸ್‌ ವರಿಷ್ಠಾಧಿಕಾರಿ ಕಚೇರಿಗೆ ಸಾರ್ವಜನಿಕರು ಸಲ್ಲಿಸಿದ ದೂರಿನ ಮೇರೆಗೆ ಸಂಚಾರಿ ಠಾಣಾ ಇನ್‌ಸ್ಪೆಕ್ಟರ್‌ ವಿಟಲ ರೈ ಅವರ ನೇತೃತ್ವದ ತಂಡ ದೂರು ದಾಖಲಾದ ರಸ್ತೆ ಮತ್ತು ಸೇತುವೆ ಪರಿಶೀಲನೆ ನಡೆಸಿತು.ಕಡಪಾಲದಲ್ಲಿ ಅಪಘಾತ ವಲ ಯವಾಗಿ ಗುರುತಿಸಿರುವ ಕಿರಿದಾಗಿ ರುವ ಸೇತುವೆ ಬಳಿ ತಾತ್ಕಾಲಿಕ ಪರಿಹಾರವಾಗಿ ಹಂಪ್ಸ್‌ ನಿರ್ಮಿಸುವ ಬಗ್ಗೆ ಪರಿಶೀಲಿಸಲಾಯಿತು. ಕಬಕ – ಕುಂಡಡ್ಕ – ಕೊಡಿಪ್ಪಾಡಿ ರಸ್ತೆ ನಾದುರಸ್ತಿಯ ಬಗ್ಗೆಯೂ ಪರಿಶೀಲಿಸಲಾಯಿತು. 

ಈ ಎರಡು ಸಮಸ್ಯೆಗಳ ಬಗ್ಗೆ ದೂರು ದಾಖಲಾಗಿತ್ತು. ಸಾರ್ವಜನಿಕರು ಜಿಲ್ಲಾ ಪೊಲೀಸ್‌ ಕಚೇರಿಗೆ ನೀಡಿದ ದೂರಿನ ಅನ್ವಯ, ಎಸ್ಪಿ ಭೂಷಣ್‌ ಜಿ. ಬೋರಸೆ ಸೂಚನೆಯಂತೆ ಸಮಸ್ಯೆಗಳಿರುವ 2 ಸ್ಥಳಗಳ ಬಗ್ಗೆ ಖುದ್ದಾಗಿ ಪರಿಶೀಲಿಸಿ, ವರದಿ ಸಿದ್ಧಪಡಿಸಲಾಗಿದೆ. ಅದನ್ನು ಜಿಲ್ಲಾ ಪೊಲೀಸ್‌ ವರಿಷ್ಠಾಧಿಕಾರಿಗೆ ಸಲ್ಲಿಸಲಾ ಗುತ್ತದೆ ಎಂದು ಸಂಚಾರಿ ಇನ್‌ಸ್ಪೆಕ್ಟರ್‌ ವಿಟಲ ರೈ ತಿಳಿಸಿದ್ದಾರೆ.