ಪಡುಬಿದ್ರಿಯಲ್ಲಿ ಕೊಚ್ಚಿ ಹೋದ 9ರ ಬಾಲಕಿಯ ಶವ ಪತ್ತೆ 

ಉಡುಪಿ: ಪಡುಬಿದ್ರಿ ಸಮೀಪದ ಪಾದೆಬೆಟ್ಟು ಪಟ್ಲದಲ್ಲಿ  ಮಂಗಳವಾರ ನೀರಿನಲ್ಲಿ ಕೊಚ್ಚಿ ಹೋಗಿದ್ದ 9 ರ ಹರೆಯದ ಬಾಲಕಿ ನಿಧಿ ಶವ ಬುಧವಾರ ಬೆಳಗ್ಗೆ ಪತ್ತೆಯಾಗಿದೆ. 

ಸಹೋದರಿಯೊಂದಿಗೆ ಶಾಲೆಗೆ ಹೋಗಿದ್ದಪಡುಬಿದ್ರಿಯ ಎಸ್‌ಬಿವಿಪಿ ಹಿ.ಪ್ರಾ.ಶಾಲೆಯ 4ನೇತರಗತಿ ವಿದ್ಯಾರ್ಥಿನಿ ನಿಧಿನೆರೆಯ ನೀರಿನಲ್ಲಿ ಕೊಚ್ಚಿಹೋಗಿದ್ದಳು, ಜೊತೆಯಲ್ಲಿದ್ದ ಅಕ್ಕ ನಿಶಾನನ್ನು ಸ್ಥಳೀಯರು ರಕ್ಷಿಸಿದ್ದರು. 

ನಿನ್ನೆಯಿಡಿ ಸ್ಥಳೀಯರು ಹುಡುಕಾಡಿದರು ಶವ ಪತ್ತೆಯಾಗಿರಲ್ಲಿಲ್ಲ. ಇಂದು ಬೆಳಗ್ಗೆ ಹುಡುಕಾಡಿದಾಗ ಕೊಚ್ಚಿ ಹೋದ ಸ್ಥಳದಿಂದ ನೂರು ಮೀಟರ್‌ ದೂರದಲ್ಲಿ ಶವ ಪತ್ತೆಯಾಗಿದೆ. ಶಾಲಾ ಬ್ಯಾಗ್‌ ಬೆನ್ನಿಗೆ ಹಾಕಿ ಕೊಂಡ ಸ್ಥಿತಿಯಲ್ಲೇ ಶವ ಪತ್ತೆಯಾಗಿದೆ. 

ತಂದೆ, ತಾಯಿಯ ಆಕ್ರಂದನ ಮುಗಿಲು ಮುಟ್ಟಿದೆ.