ಡ್ರಗ್ಸ್‌ ಸೇವನೆ: ಪುನರ್ವಸತಿ ಕೇಂದ್ರಕ್ಕೆ ಬೌದ್ಧ ಬಿಕ್ಕುಗಳು

ಬ್ಯಾಂಕಾಕ್‌: ಥೈಲ್ಯಾಂಡ್‌ನ‌ ಬೌದ್ಧ ದೇಗುಲ ಒಂದರ ಎಲ್ಲಾ ಬಿಕ್ಕುಗಳು ಡ್ರಗ್ಸ್‌ ಸೇವನೆ ಮಾಡಿರುವುದು ದೃಢವಾಗಿರುವುದರಿಂದ ಸದ್ಯ ದೇಗುಲ ಬಿಕ್ಕುಗಳಿಲ್ಲದೆ ಖಾಲಿಯಾಗಿದೆ.

ಥೈಲ್ಯಾಂಡ್‌ನ‌ ಬಂಗ್‌ ಸ್ಯಾಮ್‌ ಫಾನ್‌ ಜಿಲ್ಲೆಯ ಬೌದ್ಧ ದೇಗುಲದ ನಾಲ್ವರು ಭಿಕ್ಕುಗಳನ್ನು ಪರೀಕ್ಷೆಗೆ ಒಳಪಡಿಸಲಾಯಿತು. ಈ ವೇಳೆ ಅವರು ಮೆಥಾಂಫೆಟಮೈನ್‌ ಸೇವಿಸಿರುವುದು ಸೋಮವಾರ ದೃಢವಾಗಿದೆ.

ಈ ಹಿನ್ನೆಲೆಯಲ್ಲಿ ಅವರನ್ನು ಪುನರ್ವಸತಿ ಕೇಂದ್ರಕ್ಕೆ ಕಳುಹಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಬಿಕ್ಕುಗಳಿಲ್ಲದೆ ಈಗ ಬೌದ್ಧ ದೇಗುಲ ಖಾಲಿಯಾಗಿದೆ. ಬೌದ್ಧ ಬಿಕ್ಕುಗಳಿಗೆ ಪ್ರತಿದಿನ ಆಹಾರ ನೀಡುವುದು ಭಕ್ತರ ವಾಡಿಕೆ. ಆದರೆ ಈ ಸಂಪ್ರದಾಯದಿಂದ ಅಲ್ಲಿನ ಗ್ರಾಮಸ್ಥರು ವಂಚಿತರಾಗಿದ್ದಾರೆ.