ಟೆನಿಸ್‌ ಶ್ರೇಯಾಂಕ: ಅಗ್ರಸ್ಥಾನ ಉಳಿಸಿಕೊಂಡ ಫೆಡರರ್‌

ನವದೆಹಲಿ: ಪುರುಷರ ಸಿಂಗಲ್ಸ್‌ ಶ್ರೇಯಾಂಕದಲ್ಲಿ 20 ಗ್ರ್ಯಾನ್‌ಸ್ಲಾಮ್‌ ವಿಜೇತ ರೋಜರ್‌ ಫೆಡರರ್‌ ಅಗ್ರಸ್ಥಾನವನ್ನು ಕಾಯ್ದುಕೊಂಡಿದ್ದಾರೆ. ಆದರೆ ಮಹಿಳಾ ಸಿಂಗಲ್ಸ್‌ನಲ್ಲಿ ಡೆನ್ಮಾರ್ಕ್‌ನ ಕ್ಯಾರೋಲಿನಾ ವೋಜ್ನಿಯಾಕಿ ವಿಶ್ವ ನಂ.1 ಸ್ಥಾನವನ್ನು ಕಳೆದುಕೊಂಡಿದ್ದಾರೆ. 

ಸೋಮವಾರ ಬಿಡುಗಡೆಯಾದ ಹೊಸ ಪಟ್ಟಿಯಲ್ಲಿ ಫೆಡರರ್‌ ಒಟ್ಟು 10105 ಅಂಕ ಸಂಪಾದಿಸಿ ನಂ.1 ಸ್ಥಾನ ಕಾಯ್ದುಕೊಂಡಿದ್ದಾರೆ. ಉಳಿದಂತೆ ರಫಾಯೆಲ್‌ ನಡಾಲ್‌, ಮರಿನ್‌ ಸಿಲಿಕ್‌ ಕ್ರಮವಾಗಿ 2 ಮತ್ತು 3ನೇ ಶ್ರೇಯಾಂಕವನ್ನು ಹೊಂದಿದ್ದಾರೆ. ಮಹಿಳೆಯರ ವಿಭಾಗದಲ್ಲಿ ಕಳೆದ 4 ವಾರಗಳಿಂದ ನಂ.1ನೇ ಸ್ಥಾನದಲ್ಲಿದ್ದ ವೋಜ್ನಿಯಾಕಿ 2ನೇ ಸ್ಥಾನಕ್ಕೆ ಕುಸಿದಿದ್ದಾರೆ. 2ನೇ ಸ್ಥಾನದಲ್ಲಿದ್ದ ಸಿಮೋನಾ ಹಾಲೆಪ್‌ ಮತ್ತೆ ನಂ.1ನೇ ಸ್ಥಾನಕ್ಕೆ ಜಿಗಿದಿದ್ದಾರೆ.