ಕೊಚ್ಚೆ ನೀರಿಗೆ ತಾತ್ಕಾಲಿಕ ದಾರಿ

ರಾಯಚೂರು: ದೇವದುರ್ಗ ತಾಲೂಕಿನ ಗಬ್ಬೂರು ಗ್ರಾಮದ ಹೆದ್ದಾರಿಯಲ್ಲಿ ಸಂಗ್ರಹಗೊಂಡಿದ್ದ ಚರಂಡಿ ನೀರಿಗೆ ಅ ಧಿಕಾರಿಗಳು ತಾತ್ಕಾಲಿಕ ದಾರಿ ಮಾಡಿದ್ದಾರೆ. ಲೋಕೋಪಯೋಗಿ ಇಲಾಖೆ ಅಧಿ ಕಾರಿಗಳು, ಗ್ರಾಪಂ ಅ ಧಿಕಾರಿಗಳು ಪೊಲೀಸರ ಸಮ್ಮುಖದಲ್ಲಿ ಒಂದು ಬದಿಯ ಚರಂಡಿ ನೀರನ್ನು ಕಾಲುವೆಗೆ ಹರಿಸಿದ್ದಾರೆ.

ಈ ಕುರಿತು ಉದಯವಾಣಿಯಲ್ಲಿ ಮಂಗಳವಾರ ದಾರಿ ಕಾಣದೆ ಹೆದ್ದಾರಿಯಲ್ಲೇ ನಿಂತ ಚರಂಡಿ ನೀರು ಎಂಬ ಶೀರ್ಷಿಕೆಯಡಿ ವರದಿ ಪ್ರಕಟಿಸಲಾಗಿತ್ತು. ವರದಿಯಿಂದ ಎಚ್ಚೆತ್ತ ಅಧಿ ಕಾರಿಗಳು ಜನರಿಗಾಗುತ್ತಿರುವ ಸಮಸ್ಯೆಗೆ ತಕ್ಷಣ ಪರಿಹಾರ ಕಂಡುಕೊಳ್ಳಲು ಮುಂದಾಗಿದ್ದಾರೆ.

ಚರಂಡಿಯನ್ನು ಸಂಪೂರ್ಣ ಸ್ವತ್ಛಗೊಳಿಸುವ ಕಾರ್ಯ ಆರಂಭಿಸಲಾಯಿತು. ಅದರ ಜತೆಗೆ ಒಂದು ಬದಿಯ ಕೊಚ್ಚೆ ನೀರನ್ನು ಸದ್ಯಕ್ಕೆ ಕಾಲುವೆಗೆ ಹರಿಸಲಾಯಿತು. ಈ ವೇಳೆ ಸ್ಥಳದಲ್ಲಿ ಬಿಗುವಿನ ವಾತಾವರಣ ಏರ್ಪಟ್ಟಿತ್ತು. ಅ ಧಿಕಾರಿಗಳ ಜತೆಗೆ ಕೆಲಕಾಲ ಸ್ಥಳೀಯರ ವಾಗ್ವಾದವೂ ನಡೆಯಿತು. ಈಗ ಕೇವಲ ಒಂದು ಬದಿಯ ನೀರನ್ನು ಮಾತ್ರ ತೆರವು ಮಾಡಿದ್ದು, ಇನ್ನೊಂದು ಕೊಚ್ಚೆ ನೀರು ಹರಿಯಲು ದಾರಿ ಇಲ್ಲದಾಗಿದೆ. ಶೀಘ್ರದಲ್ಲೇ ಎಲ್ಲ ನೀರು ತೆರವು ಮಾಡಿ ಶಾಶ್ವತ ಪರಿಹಾರ ಕಲ್ಪಿಸಲಿ ಎಂದು ಸ್ಥಳೀಯರು ಒತ್ತಾಯಿಸಿದ್ದಾರೆ.