ಲಾರಿಗಳ ಮುಖಾಮುಖಿ: ಮದುಮಗ ಸೇರಿ ನಾಲ್ವರ ಸಾವು

 ಸೂರ್ಯಪೇಟೆ: ಇಲ್ಲಿನ ಮೋತಾ ಗ್ರಾಮದ ಬಳಿ ಲಾರಿಗಳೆರಡರ ನಡುವೆ  ಮುಖಾಮುಖಿ ಢಿಕ್ಕಿ ಸಂಭವಸಿದ ಪರಿಣಾಮ ಮದುಮಗ ಸೇರಿ ನಾಲ್ವರು ಸ್ಥಳದಲ್ಲೇ ದಾರುಣವಾಗಿ ಸಾವನ್ನಪ್ಪಿದ ಭೀಕರ ಅವಘಡ ಬುಧವಾರ ಬೆಳಗ್ಗೆ ಸಂಭವಿಸಿದೆ. 

ದಿಬ್ಬಣದೊಂದಿಗೆ ಸಾಗುತ್ತಿದ್ದ ಲಾರಿಗೆ ಇನ್ನೊಂದು ಲಾರಿ ಢಿಕ್ಕಿಯಾದ ಪರಿಣಾಮ ಲಾರಿಯಲ್ಲಿದ್ದ ಮದುಮಗ ಶೇಷಸಾಯಿನಾಥ್‌ ಮತ್ತು ನಾಲ್ವರು ಸಾವನ್ನಪ್ಪಿದ್ದಾರೆ.10 ಕ್ಕೂ ಹೆಚ್ಚು ಮಂದಿ ಗಂಭೀರವಾಗಿ ಗಾಯಗೊಂಡಿದ್ದಾರೆ.  

ಮೃತರು ಹೈದರಾಬಾದ್‌ನ ಕೂಕಟಪಲ್ಲಿ ಗ್ರಾಮದವರೆಂದು ತಿಳಿದು ಬಂದಿದ್ದು,ಕಮ್ಮಮ್‌ ಜಿಲ್ಲೆಯ ಚೆರ್ಲಾಗೆ ತೆರಳುತ್ತಿದ್ದರು ಎಂದು ವರದಿಯಾಗಿದೆ. 

ಪೊಲೀಸರು ಸ್ಥಳಕ್ಕೆ ದೌಡಾಯಿಸಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಗಾಯಾಳುಗಳನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಹೆಚ್ಚಿನ ವಿವರ ನಿರೀಕ್ಷಿಸಲಾಗುತ್ತಿದೆ.