ಟೆಹರಾನ್‌ : ಹತ್ತು ಜನರಿದ್ದ ವಿಲಿಟರಿ ಸರಕು ಸಾಗಣೆ ವಿಮಾನ ಪತನ

ಟೆಹರಾನ್‌ : ಹತ್ತು ಜನರಿದ್ದ ಮಿಲಿಟರಿ ಸರಕು ಸಾಗಣೆ ವಿಮಾನ ಇರಾನ್‌ ರಾಜಧಾನಿ ಟೆಹರಾನ್‌ ಸಮೀಪ ಪತನಗೊಂಡಿರುವುದಾಗಿ ವರದಿಯಾಗಿದೆ.

“ಬೋಯಿಂಗ್‌ 707 ಮಿಲಿಟರಿ ಸರಕು ಸಾಗಣೆ ವಿಮಾನವು ಇಳಿಯುತ್ತಿದ್ದ ವೇಳೆ ಅದು ರನ್‌ ವೇ ದಾಟಿ ಮುನ್ನಗ್ಗಿದೆ ಎಂದು ಇರಾನ್‌ ವಾಯುಯಾನ ಸಂಸ್ಥೆಯ ವಕ್ತಾರ ರೇಜಾ ಝಫ‌ರ್‌ ಝಾದೇ ಅವರು ರಾಷ್ಟ್ರ ಸುದ್ದಿ ವಾಹಿನಿ ಐಆರ್‌ಐಬಿ ಗೆ ತಿಳಿಸಿದ್ದಾರೆ.

ಸಾಂಪ್ರದಾಯಿಕ ಸುದ್ದಿ ಸಂಸ್ಥೆಗಳಾದ ಫಾರ್ಸ್‌ ಮತ್ತು ತಸ್‌ನಿಮ್‌ ವರದಿಯು, ಮಿಲಿಟರಿ ಸರಕು ಸಾಗಣೆ ವಿಮಾನವು ಕಿರ್ಗಿಸ್ಥಾನದ ರಾಜಧಾನಿ ಬಿಷೆRಕ್‌ ನಿಂದ ಮಾಂಸವನ್ನು ತರುತ್ತಿತ್ತು ಎಂದು ಹೇಳಿದೆ. 

ಆಲ್‌ಬ್ರೋಜ್‌ ಪ್ರಾಂತ್ಯದ ಫ‌ತಾ ವಿಮಾನ ನಿಲ್ದಾಣದಲ್ಲಿ ಪೈಲಟ್‌ ತಪ್ಪು ರನ್‌ ವೇ ಯಲ್ಲಿ ಹೋಗಿ ವಿಮಾನವನ್ನು ಇಳಿಸಲು ಯತ್ನಿಸಿದಾಗ ಅದು ಕಟ್ಟಡಕ್ಕೆ ಢಿಕ್ಕಿ ಹೊಡೆಯಿತು ಎಂದು ಐಆರ್‌ಐಬಿ ಹೇಳಿದೆ.