ಟಾಟಾ ಸಫಾರಿ ಎಸ್‌ಯುವಿಯ ಡಾರ್ಕ್‌ ಎಡಿಶನ್‌ ಜ.17ರಂದು ಬಿಡುಗಡೆ

ಟಾಟಾ ಸಂಸ್ಥೆಯು ಸಫಾರಿ ಎಸ್‌ಯುವಿಯ ಡಾರ್ಕ್‌ ಎಡಿಶನ್‌ ಅನ್ನು ಸೋಮವಾರ ಬಿಡುಗಡೆ ಮಾಡಲಿದೆ. ಈಗಾಗಲೇ ಸಂಸ್ಥೆಯು ಆಲ್ಟ್ರೋಜ್ ಹ್ಯಾರಿಯರ್‌, ನೆಕ್ಸಾನ್‌ ಮತ್ತು ನೆಕ್ಸಾನ್‌ ಇವಿಯ ಡಾರ್ಕ್‌ ಎಡಿಶನ್‌ ಬಿಡುಗಡೆ ಮಾಡಿದ್ದು, ಇದು ಸಂಸ್ಥೆ ಬಿಡುಗಡೆ ಮಾಡುತ್ತಿರುವ ಐದನೇ ಡಾರ್ಕ್‌ ಆವೃತ್ತಿ ಆಗಿದೆ.

ಈ ಎಡಿಶನ್‌ನಲ್ಲಿ ಕಾರು ಸಂಪೂರ್ಣ ಕಪ್ಪು ಬಣ್ಣ ಇರಲಿದೆ. ಒಳಾಂಗಣ ವಿನ್ಯಾಸದಲ್ಲೂ ಕಪ್ಪು ಬಣ್ಣವೇ ಪ್ರಮುಖವಾಗಿರಲಿದೆ ಎಂದು ವರದಿಯಾಗಿದೆ.

ಎಕ್ಸ್‌ಜೆಡ್‌ ಮತ್ತು ಎಕ್ಸ್‌ಜೆಡ್‌ ಪ್ಲಸ್‌ ವೇರಿಯೆಂಟ್‌ಗಳಲ್ಲಿ ಇದು ಲಭ್ಯವಿರುವ ಸಾಧ್ಯತೆಯಿದೆ.

ಇದನ್ನೂ ಓದಿ:ಶಿವಮೊಗ್ಗ : 24 ಮಂದಿಯಲ್ಲಿ ಸೋಂಕು ಪತ್ತೆ : ಕುವೆಂಪು ವಿಶ್ವವಿದ್ಯಾಲಯ ಸೀಲ್ ಡೌನ್

ಇದರಲ್ಲಿ 2.0 ಲೀಟರ್‌ ಡೀಸೆಲ್‌ ಇಂಜಿನ್‌ ಇದ್ದು, ಉಳಿದಂತೆ ಯಾವುದೇ ಮೆಕ್ಯಾನಿಕಲ್‌ ಬದಲಾವಣೆ ಮಾಡಲಾಗಿಲ್ಲ. ಕಾರಿನ ಬೆಲೆ 14.99 ಲಕ್ಷ ರೂ.(ಎಕ್ಸ್‌ ಶೋ ರೂಂ)ನಿಂದ ಆರಂಭವಾಗಲಿದೆ ಎಂದು ಅಂದಾಜಿಸಲಾಗಿದೆ.