ಶಿರೂರಿನಲ್ಲಿ ಟ್ಯಾಂಕರ್‌- ಲಾರಿ ಢಿಕ್ಕಿ : ಚಾಲಕರು ಪಾರು

ಬೈಂದೂರು: ಚಾಲಕರ ನಿಯಂತ್ರಣ ತಪ್ಪಿದ ಟ್ಯಾಂಕರ್‌ ಹಾಗೂ ಲಾರಿಗಳೆರಡು ಢಿಕ್ಕಿಯಾದ ಘಟನೆ ಶಿರೂರು ಸಮೀಪದ ಮೈದಿನಪುರ ಬಳಿಯ ರಾಷ್ಟ್ರೀಯ ಹೆದ್ದಾರಿ 66ರಲ್ಲಿ ರವಿವಾರ ಬೆಳಗಿನ ಜಾವ 7.30ರ ಸುಮಾರಿಗೆ ಸಂಭವಿಸಿದೆ. 

ಕುಂದಾಪುರದಿಂದ ಕಾರವಾರದ ಕಡೆಗೆ ಗ್ಯಾಸ್‌ ತುಂಬಿಸಿಕೊಂಡು ಸಂಚರಿಸುತ್ತಿದ್ದ ಟ್ಯಾಂಕರ್‌ಗೆ ಭಟ್ಕಳದಿಂದ ಕುಂದಾಪುರ ಕಡೆಗೆ ತೆರಳುತ್ತಿದ್ದ ಸರಕು ತುಂಬಿದ ಲಾರಿ ಢಿಕ್ಕಿ ಹೊಡೆದಿದೆ. ಅದೃಷ್ಟವಶಾತ್‌ ಲಾರಿ ಹಾಗೂ ಟ್ಯಾಂಕರ್‌ ಚಾಲಕರಿಬ್ಬರು ಸಣ್ಣಪುಟ್ಟ ಗಾಯಗೊಂಡು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.

ಢಿಕ್ಕಿಯಾದ ಪರಿಣಾಮ ಲಾರಿ ಹಾಗೂ ಟ್ಯಾಂಕರ್‌ನ ಮುಂಭಾಗ ಸಂಪೂರ್ಣ ನಜ್ಜುಗುಜ್ಜಾಗಿದೆ. ಬೈಂದೂರು ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.