Pro Kabaddi: ತೆಲುಗು ಟೈಟಾನ್ಸ್‌ ವಿರುದ್ಧ ಹರಿಯಾಣ ಸ್ಟೀಲರ್ ಗೆ ಅಮೋಘ ಜಯ

ಪುಣೆ: ಅಗ್ರಸ್ಥಾನಿ ಹರಿಯಾಣ ಸ್ಟೀಲರ್ ಅಮೋಘ 14ನೇ ಜಯದೊಂದಿಗೆ ಪ್ರೊ ಕಬಡ್ಡಿಯಲ್ಲಿ ತನ್ನ ಪ್ರಾಬಲ್ಯ ಮುಂದುವರಿಸಿದೆ.

ಸೋಮವಾರದ ಮುಖಾಮುಖಿಯಲ್ಲಿ ಅದು ತೆಲುಗು ಟೈಟಾನ್ಸ್‌ಗೆ 46-25 ಅಂಕಗಳಿಂದ ಆಘಾತವಿಕ್ಕಿತು. ಹರಿಯಾಣ ಪರ ರೈಡರ್‌ ಶಿವಂ ಪಟಾರೆ 12 ಹಾಗೂ ಟೈಟಾನ್ಸ್‌ ಪರ ಆಶಿಷ್‌ ನರ್ವಾಲ್‌ 13 ಅಂಕ ಗಳಿಸಿ ಮಿಂಚಿದರು. ಇದು 18 ಪಂದ್ಯಗಳಲ್ಲಿ ಟೈಟಾನ್ಸ್‌ಗೆ ಎದುರಾದ 8ನೇ ಸೋಲು.

ಡೆಲ್ಲಿಗೆ 8ನೇ ಜಯ: ದಿನದ 2ನೇ ಪಂದ್ಯದಲ್ಲಿ ದಬಾಂಗ್‌ ಡೆಲ್ಲಿ 30-26 ಅಂಕಗಳ ಅಂತರದಿಂದ ಆತಿಥೇಯ ಪುಣೇರಿ ಪಲ್ಟಾನ್‌ಗೆ ಸೋಲುಣಿಸಿ ತನ್ನ 8ನೇ ಜಯವನ್ನು ದಾಖಲಿಸಿತು. ಪುಣೇರಿ 8ನೇ ಸೋಲಿಗೆ ತುತ್ತಾಯಿತು.

ಡೆಲ್ಲಿ ಗೆಲುವಿನಲ್ಲಿ ನಾಯಕ ಆಶು ಮಲಿಕ್‌ ಪ್ರಮುಖ ಪಾತ್ರ ವಹಿಸಿದರು. ಅವರದು 13 ಅಂಕಗಳ ಸಾಧನೆ. ಅನಂತರದ ಹೆಚ್ಚಿನ ಗಳಿಕೆ ರೈಡರ್‌ ನವೀನ್‌ ಕುಮಾರ್‌ ಅವರದು (4). ಪುಣೇರಿ ರೈಡರ್‌ ಮೋಹಿತ್‌ ಗೋಯತ್‌ 7 ಅಂಕ ತಂದಿತ್ತರು.