ವಿಷ್ಣು ಪರಾರಿಗೆ ಸಹಕರಿಸಿದ ಭಾವ ಬಂಧನ

ಬೆಂಗಳೂರು: ಮದ್ಯದ ಅಮಲಿನಲ್ಲಿ ಅಡ್ಡಾದಿಡ್ಡಿ ಕಾರು ಓಡಿಸಿ ಆರುಮಂದಿಯನ್ನು ಗಾಯಗೊಳಿಸಿದ್ದ ಆರೋಪಿ ವಿಷ್ಣು , ಮಲ್ಯ ಆಸ್ಪತ್ರೆಯಿಂದ ಪರಾರಿಯಾಗಲು ಸಹಕರಿಸಿದ ಆತನ ಭಾವ ಡಾ.ರಾಜೇಶ್‌ನಾಯ್ಡುನನ್ನು ವಿಜಯನಗರ ಪೊಲೀಸರು ಬಂಧಿಸಿದ್ದಾರೆ.

ಮಲ್ಯ ಆಸ್ಪತ್ರೆಯಿಂದ ಆರೋಪಿ ಪರಾರಿಯಾಗಲು ಆತನ ಅಕ್ಕ ಚೈತನ್ಯ, ಭಾವ ರಾಜೇಶ್‌ ಸಹಕರಿಸಿರುವುದು ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು, ರಾಜೇಶ್‌ನಾಯ್ಡುನನ್ನು ಬಂಧಿಸಿ ವಿಚಾರಣೆ ನಡೆಸಲಾಗಿದೆ.

ವಿಷ್ಣು, ಆತನ ಅಕ್ಕ, ಗನ್‌ಮ್ಯಾನ್‌ ವಿನೋದ್‌ಬಾಬು ಜತೆ ಹೈದ್ರಾಬಾದ್‌ನಲ್ಲಿರುವ ಖಚಿತ ಮಾಹಿತಿ ಮೇರೆಗೆ ಒಂದು ತನಿಖಾ ತಂಡ ಅಲ್ಲಿಗೆ ತೆರಳಿತ್ತು. ಆದರೆ ಅಲ್ಲಿಂದ ಇಬ್ಬರೂ ಪರಾರಿಯಾಗಿದ್ದು, ಕಾರ್ಯಾಚರಣೆ ಮುಂದುವರಿಸಲಾಗಿದೆ ಎಂದು ದಕ್ಷಿಣ ವಿಭಾಗದ ಡಿಸಿಪಿ ಡಾ. ಶರಣಪ್ಪ ತಿಳಿಸಿದ್ದಾರೆ.