ಬರದ ವರ:ಕೃಷಿ ಹೊಂಡದಲ್ಲಿ ಭರಪೂರ ನೀರು! ರೋಣದಲ್ಲಿ ವಿಸ್ಮಯ 

ರೋಣ : ಬರದಿಂದ ಕಂಗೆಟ್ಟಿದ್ದ ತಾಲೂಕಿನ ಹಿರೇಕೊಪ್ಪದಲ್ಲಿ ವಿಸ್ಮಯವೊಂದು ಸಂಭವಿದೆ. ಹನಿ ನೀರಿಗೂ ತತ್ವಾರವಿರುವ ವೇಳೆ ಕೃಷಿ ಹೊಂಡದಲ್ಲಿ 7 ಅಡಿಗೂ ಹೆಚ್ಚು ನೀರು ಬಂದಿದ್ದು ಜನರ ಮುಖದಲ್ಲಿ ಮಂದಹಾಸ ಮೂಡಿದೆ.

ಶರಣಪ್ಪ ಬಳೂಟಗಿ ಅವರು ತೋಡಿದ ಕೃಷಿ ಹೊಂಡದಲ್ಲಿ 7 ಅಡಿಗಳಷ್ಟು ಜಲಧಾರೆ ಉಕ್ಕಿ ಬಂದಿದೆ. ಕೌತುಕವನ್ನು ವೀಕ್ಷಿಸಲು ಸುತ್ತಮುತ್ತಲಿನ ಸಾವಿರಾರು ಜನರು ಸ್ಥಳಕ್ಕಾಗಮಿಸುತ್ತಿದ್ದಾರೆ. 

ಶರಣಪ್ಪ ಮನೆಯವರು ನೀರಿಗೆ ಗಂಗಾಪೂಜೆ ನಡೆಸಿದ್ದಾರೆ. ನೀರನ್ನು ಸುತ್ತಮುತ್ತಲಿನ ಗ್ರಾಮದ ಜನರಿಗೆ ಕುಡಿಯುವ ನೀರಾಗಿ ಹಂಚಲು ಮನಸ್ಸು ಮಾಡಿದ್ದಾರೆ.