ತ್ರಿವಳಿ ತಲಾಖ್‌ ತೀರ್ಪು ಕಾಯ್ದಿಟ್ಟ ಸುಪ್ರೀಂ ಕೋರ್ಟ್‌

ಹೊಸದಿಲ್ಲಿ: ತ್ರಿವಳಿ ತಲಾಖ್‌ಗೆ ಸಂಬಂಧಿಸಿದ ಸತತ 6 ದಿನಗಳ ವಿಚಾರಣೆ ಗುರುವಾರ ಅಂತ್ಯಗೊಂಡಿದ್ದು, ಸುಪ್ರೀಂ ಕೋರ್ಟ್‌ ತೀರ್ಪನ್ನು ಕಾಯ್ದಿರಿಸಿದೆ. ಶೀಘ್ರವೇ ತ್ರಿವಳಿ ತಲಾಖ್‌ನ ಸಾಂವಿಧಾನಿಕ ಮಾನ್ಯತೆ ಕುರಿತ ತೀರ್ಪು ನೀಡುವುದಾಗಿ ಹೇಳಿದೆ.

6 ದಿನಗಳ ಮ್ಯಾರಥಾನ್‌ ವಿಚಾರಣೆಯಲ್ಲಿ ಕೇಂದ್ರ, ಅಖೀಲ ಭಾರತ ಮುಸ್ಲಿಂ ವೈಯಕ್ತಿಕ ಕಾನೂನು ಮಂಡಳಿ, ಅಖೀಲ ಭಾರತ ಮುಸ್ಲಿಂ ಮಹಿಳಾ ವೈಯಕ್ತಿಕ ಕಾನೂನು ಮಂಡಳಿ ಹಾಗೂ ಇತರರು ಸಿಜೆಐ ಜೆ.ಎಸ್‌. ಖೇಹರ್‌ ನೇತೃತ್ವದ ಪೀಠದೆದುರು ವಾದಗಳನ್ನು ಮಂಡಿಸಿದ್ದಾರೆ.