ರಾಜು ಶ್ರೀವಾಸ್ತವ್‌ ಆರೋಗ್ಯ ಸ್ಥಿತಿ ಗಂಭೀರ: ಸ್ನೇಹಿತ ಹೇಳಿದ್ದೇನು?

ನವದೆಹಲಿ: ಬಾಲಿವುಡ್‌ ಹಾಸ್ಯ ನಟ ರಾಜು ಶ್ರೀವಾಸ್ತವ್‌(58) ಅವರ ಆರೋಗ್ಯ ಸ್ಥಿತಿ ಗಂಭೀರವಾಗಿದೆ. ಹೃದಯಾಘಾತದಿಂದಾಗಿ ಆ.10ರಂದು ಆಸ್ಪತ್ರೆ ಸೇರಿರುವ ಅವರ ಮೆದುಳು ಕೂಡ ನಿಷ್ಕ್ರಿಯವಾಗಿರುವುದಾಗಿ ನಟನ ಸ್ನೇಹಿತ ಸುನಿಲ್‌ ಪಾಲ್‌ ತಿಳಿಸಿದ್ದಾರೆ.

ಕಳೆದ 9 ದಿನಗಳಿಂದಲೂ ಅವರು ಪ್ರಜ್ಞಾಹೀನ ಸ್ಥಿತಿಯಲ್ಲೇ ಇದ್ದಾರೆ. ಅವರ ರಕ್ತದೊತ್ತಡದಲ್ಲಿ ಹೆಚ್ಚಿನ ಏರಿಳಿತ ಉಂಟಾಗುತ್ತಿದ್ದು, ಚಿಕಿತ್ಸೆ ನೀಡುವುದೂ ಕಷ್ಟವಾಗಿದೆ ಎಂದು ವೈದ್ಯರು ತಿಳಿಸಿದ್ದಾರೆ. ಸ್ಟಾಂಡ್‌ಅಪ್‌ ಕಾಮಿಡಿ ಮೂಲಕವೇ ಹೆಚ್ಚು ಪ್ರಸಿದ್ಧರಾಗಿರುವ ರಾಜು ಅವರು ಹಿಂದಿಯ “ಮೈನೆ ಪ್ಯಾರ್‌ ಕಿಯಾ’, “ಬಾಜಿಗರ್‌’, “ಬಾಂಬೆ ಟು ಗೋವಾ’ ಸೇರಿ ಅನೇಕ ಚಿತ್ರಗಳಲ್ಲಿ ನಟಿಸಿದ್ದಾರೆ.

ಹಿಂದಿಯ ಬಿಗ್‌ಬಾಸ್‌ ಸೀಸನ್‌ 3ರ ಸ್ಪರ್ಧಿಯೂ ಆಗಿದ್ದರು.