Sumalatha Ambareesh ನನ್ನ ಸ್ವಂತ ಅಕ್ಕ ಇದ್ದಂತೆ: ಎಚ್‌ಡಿಕೆ

ಮಂಡ್ಯ: ಸಂಸದೆ ಸುಮಲತಾ ಅವರು ನನ್ನ ಸ್ವಂತ ಅಕ್ಕ ಇದ್ದಂತೆ. ರಾಜಕಾರಣದಲ್ಲಿ ಟೀಕೆ, ವಿರೋಧಗಳು ಸಾಮಾನ್ಯ. ಆದರೆ ವೈಯಕ್ತಿಕವಾಗಿ ನಮಗೆ ಯಾವುದೇ ದ್ವೇಷವಿಲ್ಲ ಎಂದು ಮಾಜಿ ಮುಖ್ಯಮಂತ್ರಿ ಎಚ್‌.ಡಿ.ಕುಮಾರಸ್ವಾಮಿ ಹೇಳಿದರು.

ನಾನು ಮುಖ್ಯಮಂತ್ರಿಯಾಗಿದ್ದ ಸಂದರ್ಭದಲ್ಲಿ ರಾಜ್‌ಕುಮಾರ್‌ ಅವರು ಸತ್ತಾಗಲೂ ಕಂಠೀರವ ಸ್ಟುಡಿಯೋದಲ್ಲಿಯೇ ಜಾಗ ಕೊಟ್ಟಿದ್ದೆವು. ಅದರಂತೆ ಅಂಬರೀಷ್‌ ಅವರಿಗೂ ಜಾಗ ನೀಡುವ ಮೂಲಕ ಸ್ಮಾರಕ ನಿರ್ಮಾಣವಾಗಿದೆ ಎಂದು ತಿಳಿಸಿದರು.

ಡಾ| ಮಂಜುನಾಥ್‌ ಬಗ್ಗೆ ಲಘು ಹೇಳಿಕೆ ಬೇಡ
ಡಾ| ಮಂಜುನಾಥ್‌ ಅವರನ್ನು ಬಿಜೆಪಿಯವರೇ ಬಲವಂತದಿಂದ ಸ್ಪ ರ್ಧೆ ಮಾಡಿಸುತ್ತಿದ್ದಾರೆ. ನಾವು ಯಾವುದೇ ಒತ್ತಡ ಹಾಕಿಲ್ಲ. ಡಾ| ಮಂಜುನಾಥ್‌ ಗೆದ್ದು, ದೇಶದಲ್ಲಿ ಆರೋಗ್ಯ ಸಚಿವರಾದರೆ ಬಡಜನರಿಗೆ ಅನುಕೂಲವಾಗಲಿದೆ. ಅವರ ಬಗ್ಗೆ ಲಘು ಮಾತು ಬೇಡ ಎಂದರು.