Sullia ಗ್ರಾಹಕರ ಸೋಗಿನಲ್ಲಿ ಬಂದು ಚಿನ್ನ ಕಳವು

ಸುಳ್ಯ: ಸುಳ್ಯ ರಥ ಬೀದಿಯಲ್ಲಿರುವ ಚೆನ್ನಕೇಶವ ಸಂಕೀರ್ಣದಲ್ಲಿ ಕಾರ್ಯಾಚರಿಸುತ್ತಿರುವ ಜುವೆಲರಿ ಅಂಗಡಿಗೆ ಗ್ರಾಹಕರ ಸೋಗಿನಲ್ಲಿ ಬಂದ ಇಬ್ಬರು ಚಿನ್ನದ ಬಳೆಯನ್ನು ಲಪಟಾಯಿಸಿರುವ ಘಟನೆ ನ. 9ರ ರಾತ್ರಿ ನಡೆದಿದೆ.

ರಾತ್ರಿ ವೇಳೆ ಅಂಗಡಿಯೊಳಗೆ ಗ್ರಾಹಕರಾಗಿ ಬಂದು ಅಂಗಡಿಯ ಮಾಲಕರ ಬಳಿ ಮಾತನಾಡಿ ಅವರ ಗಮನವನ್ನು ಬೇರೆಡೆಗೆ ಸೆಳೆದು ಬೇರೆ ಗ್ರಾಹಕರಿಗೆಂದು ಮಾಡಿಟ್ಟಿದ್ದ ಐದು ಗ್ರಾಂ ತೂಕವಿರುವ ಮಕ್ಕಳ ಚಿನ್ನದ ಬಳೆಯನ್ನು ಕದ್ದು ಅಲ್ಲಿಂದ ತೆರಳಿದ್ದಾರೆ. ಬಳಿಕ ಅಂಗಡಿಯ ಮಾಲಕರಿಗೆ ವಿಷಯ ತಿಳಿದು ಸಿಸಿ ಟಿವಿಯಲ್ಲಿ ಪರಿಶೀಲಿಸಿದಾಗ ಬಂದಿದ್ದ ಇಬ್ಬರೂ ಅದನ್ನು ಲಪಟಾಯಿಸಿರುವುದು ಬೆಳಕಿಗೆ ಬಂದಿದೆ. ಈ ಘಟನೆಯ ಬಗ್ಗೆ ಸುಳ್ಯ ಪೊಲೀಸರಿಗೆ ಮಾಹಿತಿ ನೀಡಿದ್ದು, ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.