Sullia: ಆಡುಮರಿಯನ್ನು ಅಮಾನುಷವಾಗಿ ಎಳೆದೊಯ್ದ ಬಗ್ಗೆ ದೂರು

ಸುಳ್ಯ: ಆಡಿನ ಮರಿಯನ್ನು ಅದರ ಕುತ್ತಿಗೆ ಹಗ್ಗ ಹಾಕಿ ಅಮಾನುಷವಾಗಿ ಇಬ್ಬರು ಮಹಿಳೆಯವರು ಎಳೆದೊಯ್ದಿರುವ ಬಗ್ಗೆ ಮಹಿಳೆಯೋರ್ವರು ಅದಿಕಾರಿಗಳಿಗೆ ದೂರು ನೀಡಿದ್ದಾರೆ.

ಸುಳ್ಯ ನಗರದ ಜಯನಗರದ ಮಹಿಳೆ ದೂರು ನೀಡಿದ್ದು, ಇಲ್ಲಿನ ಅಂಗನವಾಡಿ ಕಾರ್ಯಕರ್ತೆ ಹಾಗೂ ಸಹಾಯಕಿ ಇನ್ನೋರ್ವ ಮಹಿಳೆಯ ಸಹಾಯದಿಂದ ಆಡಿನ ಮರಿಯೊಂದನ್ನು ಅದರ ಕುತ್ತಿಗೆಗೆ ನೈಲಾನ್‌ ಬಳ್ಳಿಯಿಂದ ಬಲತ್ಕಾರವಾಗಿ ಎಳೆದುಕೊಂಡಿದ್ದಾರೆ ಎಂದು ಆರೋಪಿಸಲಾಗಿದೆ. ಈ ಬಗ್ಗೆ ಪ್ರಶ್ನಿಸಿದ ದೂರುದಾರ ಮಹಿಳೆಗೆ ಸಂಜೆ ವೇಳೆ ಪೊಲೀಸರನ್ನು ಕರೆಸಿ ಅವಾಚ್ಯವಾಗಿ ‌ಬೈಸಿದ್ದಾರೆ ಎಂದು ದೂರು ನೀಡಲಾಗಿದ್ದು, ಅವರ ಮೇಲೆ ಕ್ರಮಕ್ಕೆ ದೂರುದಾರ ಮಹಿಳೆ ಸಿಡಿಪಿಒ, ಡಿವೈಎಸ್‌ಪಿಗೆ ದೂರು ನೀಡಿದ್ದಾರೆ. ಪೊಲೀಸರು ಎರಡೂ ಕಡೆಯವರನ್ನು ವಿಚಾರಣೆ ನಡೆಸಿದ್ದಾರೆ ಎಂದು ತಿಳಿದುಬಂದಿದೆ.