Bike ಕದ್ದು ಹೆಲ್ಮೆಟ್‌ ಧರಿಸದೆ ಸವಾರಿ: ಮಾಲಕನಿಗೆ ನೋಟಿಸ್‌!

ಕಾಸರಗೋಡು: ಕಳ್ಳನೊಬ್ಬ ಕದ್ದ ಬೈಕಿನಲ್ಲಿ ಹೆಲ್ಮೆಟ್‌ ಧರಿಸದೆ ಸಂಚರಿಸಿದ ಪರಿಣಾಮ ಬೈಕಿನ ಮಾಲಕನಿಗೆ 1 ಸಾವಿರ ರೂ. ದಂಡ ಪಾವತಿಸುವಂತೆ ಮೋಟಾರು ವಾಹನ ಇಲಾಖೆಯಿಂದ ನೋಟಿಸ್‌ ಬಂದಿದೆ!

ಪಳ್ಳಿಕ್ಕೆರೆ ಗ್ರಾ.ಪಂ. ಅಧ್ಯಕ್ಷ ಎಂ. ಕುಮಾರನ್‌ ಅವರು ಡಿಸೆಂಬರ್‌ 29ರಂದು ಪಳ್ಳಿಕ್ಕೆರೆ ಗ್ರಾ.ಪಂ. ಕಚೇರಿ ಪರಿಸರದಲ್ಲಿ ನಿಲ್ಲಿಸಿದ್ದ ಬುಲೆಟ್‌ ಬೈಕ್‌ ಕಳವಾಗಿತ್ತು. ಬಳಿಕ ಆ ಬೈಕನ್ನು ಬೇಕಲ ಪೊಲೀಸರು ಕರ್ನಾಟಕದ ಶಿವಮೊಗ್ಗದಿಂದ ಪತ್ತೆಹಚ್ಚಿ ಆರೋಪಿಯನ್ನು ಬಂಧಿಸಿದ್ದರು. ಬೈಕನ್ನು ನ್ಯಾಯಾಲಯದ ಮೂಲಕ ವಾರಸುದಾರರಿಗೆ ಬಿಟ್ಟುಕೊಡಲಾಗಿತ್ತು. ಇದೆಲ್ಲ ಕಳೆದು ಎರಡು ತಿಂಗಳ ಬಳಿಕ ನೋಟಿಸ್‌ ಜಾರಿಯಾಗಿದೆ.