ಬ್ರಿಕ್ಸ್‌ ರಾಷ್ಟ್ರಗಳ ಸಮಾವೇಶ ಶುರು

ಕಂಪ್ಲಾ /ಜೊಹಾನ್ಸ್‌ಬರ್ಗ್‌: ಬ್ರಿಕ್ಸ್‌ ರಾಷ್ಟ್ರಗಳ ಸಮಾವೇಶ ಬುಧವಾರದಿಂದ ದಕ್ಷಿಣ ಆಫ್ರಿಕದ ಜೊಹಾನ್ಸ್‌ಬರ್ಗ್‌ನಲ್ಲಿ ಆರಂಭವಾಗಿದೆ.  ಚೀನಾ ಅಧ್ಯಕ್ಷ ಕ್ಸಿ ಜಿನ್‌ಪಿಂಗ್‌, ರಷ್ಯಾದ ವ್ಲಾದಿಮಿರ್‌ ಪುಟಿನ್‌ ಸೇರಿದಂತೆ ಬ್ರೆಜಿಲ್‌, ದಕ್ಷಿಣ ಆಫ್ರಿಕಾ ನಾಯಕರು ಸೇರಿದ್ದಾರೆ.  ಈ ಶೃಂಗದಲ್ಲಿ ಅಮೆರಿಕದ ರಕ್ಷಣಾತ್ಮಕ ನಿಲುವಿನ ಬಗ್ಗೆ ಕಟುವಾಗಿ ವಿರೋಧ ಉಂಟಾಗುವ ಸಾಧ್ಯತೆ ಇದೆ. 

ಈಗಾಗಲೇ ಅಮೆರಿಕ ಚೀನಾ, ಭಾರತದ ವಿರುದ್ಧ ವ್ಯಾಪಾರ ಸಮರ ಸಾರಿದ್ದು, ಈ ಕ್ರಮ ಜಾಗತಿಕ ಮಟ್ಟದಲ್ಲಿ ಆಕ್ಷೇಪಕ್ಕೆ ಕಾರಣವಾಗಿದೆ. ಮೂಡಿಸ್‌ ಸೇರಿದಂತೆ ಜಾಗತಿಕ ರೇಟಿಂಗ್‌ ಸಂಸ್ಥೆಗಳ ಬದಲಾಗಿ ಬ್ರಿಕ್ಸ್‌ ದೇಶಗಳಿಗಾಗಿಯೇ ಬ್ರಿಕ್ಸ್‌ ರೇಟಿಂಗ್‌ ವ್ಯವಸ್ಥೆಯನ್ನು ತರುವ ಬಗ್ಗೆ ನಿರ್ಧಾರ ತೆಗೆದುಕೊಳ್ಳಲಾಗುತ್ತದೆ ಹಾಲಿ ಇರುವ ಸಂಸ್ಥೆಗಳು ಅಭಿವೃದ್ಧಿ ಹೊಂದು ತ್ತಿರುವ ದೇಶಗಳ ವಿರುದ್ಧವಾಗಿ ಹೋಗು ತ್ತಿದ್ದು ಇದು ಭಾರತ ಸೇರಿದಂತೆ ಉಳಿದ ಬ್ರಿಕ್ಸ್‌ ದೇಶಗಳ ಆಕ್ಷೇಪಕ್ಕೆ ಕಾರಣವಾಗಿದೆ.

ಆಫ್ರಿಕಾದ ಮುತ್ತು: ಇದಕ್ಕೂ ಮುನ್ನ ಉಗಾಂಡಾದ ಸಂಸತ್‌ ಉದ್ದೇಶಿಸಿ ಮಾತನಾಡಿದ್ದ ಪ್ರಧಾನಿ ಎರಡೂ ದೇಶಗಳ ನಡುವಿನ ಸಂಬಂಧ ವೃದ್ಧಿಗಾಗಿ 10 ಮಾರ್ಗದರ್ಶಿ ಸೂತ್ರ ಗಳನ್ನಿಟ್ಟ ಅವರು, ಭಯೋತ್ಪಾದನೆ ಮತ್ತು ಹವಾಮಾನ ಬದಲಾವಣೆ ಕುರಿತಂತೆ ಒಟ್ಟಾಗಿ ಕೆಲಸ ಮಾಡುವ ಬಗ್ಗೆ ಒತ್ತಿ ಹೇಳಿದರು. ಉಗಾಂಡಾವನ್ನು ಆಫ್ರಿಕಾದ ಮುತ್ತು ಎಂದು ಬಣ್ಣಿಸಿದರು.