26ಕ್ಕೆ ಕೇರಳದಲ್ಲಿ ಭಾಗವತ್‌ರಾಷ್ಟ್ರ ಧ್ವಜಾರೋಹಣ

ಹೊಸದಿಲ್ಲಿ: ಕೇರಳದಲ್ಲಿ ಕಳೆದ ವರ್ಷ ಆಗಸ್ಟ್‌ 15 ರಂದು ಸರಕಾರಿ ಶಾಲೆಯೊಂದರಲ್ಲಿ ಆರೆಸ್ಸೆಸ್‌ ಮುಖಂಡ ಮೋಹನ ಭಾಗವತ್‌ ಧ್ವಜಾರೋಹಣ ಮಾಡಿದ್ದಕ್ಕೆ ವಿವಾದ ಉಂಟಾದ ಬಳಿಕ, ಇದೀಗ 26ರಂದು ಕೇರಳದಲ್ಲೇ ಧ್ವಜಾರೋಹಣ ಮಾಡಲಿದ್ದಾರೆ.

ಆರೆಸ್ಸೆಸ್‌ ಹಮ್ಮಿಕೊಂಡಿರುವ 3 ದಿನಗಳ ಕ್ಯಾಂಪ್‌ನಲ್ಲಿ ಭಾಗವಹಿಸುತ್ತಿರುವ ಭಾಗವತ್‌, ಪಾಲಕ್ಕಾಡ್‌ನ‌ ಹೊರಭಾಗದ ಶಾಲೆಯೊಂದರಲ್ಲಿ ಗಣರಾಜ್ಯೋತ್ಸವದ ದಿನ ಧ್ವಜಾರೋಹಣ ಮಾಡಲಿದ್ದಾರೆ. ಇದು ಆರೆಸ್ಸೆಸ್‌ ನಡೆಸುತ್ತಿರುವ ಶಾಲೆ ಆಗಿರುವುದರಿಂದ ಅಧಿಕಾರಿಗಳ ಅನುಮತಿ ಪಡೆಯುವ ಅಗತ್ಯವಿಲ್ಲ. ಭಾಗವತ್‌ ಪ್ರತಿ ವರ್ಷವೂ ಗಣರಾಜ್ಯೋತ್ಸವ, ಸ್ವಾತಂತ್ರ್ಯೋತ್ಸವದಂದು ಎಲ್ಲೇ ಇದ್ದರೂ ಧ್ವಜಾರೋಹಣ ಮಾಡುತ್ತಾರೆ ಎಂದು ಆರ್‌ಎಸ್‌ಎಸ್‌ ನಾಯಕ ಕೆ.ಕೆ.ಬಲರಾಂ ಹೇಳಿದ್ದಾರೆ.