ಗಾಯಾಳು ಲಹಿರು ಸ್ಥಾನಕ್ಕೆ ಚಮಿಕ ಕರುಣರತ್ನೆ

ಸಿಡ್ನ: ಗಾಯಾಳು ಲಹಿರು ಕುಮಾರ ತಂಡದಿಂದ ಹೊರ ಹೋದ ಕಾರಣ ಆಸ್ಟ್ರೇಲಿಯ ವಿರುದ್ಧದ 2ನೇ ಟೆಸ್ಟ್‌ ಪಂದ್ಯಕ್ಕಾಗಿ ಬಲಗೈ ವೇಗಿ ಚಮಿಕ ಕರುಣರತ್ನೆ ಅವರನ್ನು ತಂಡಕ್ಕೆ ಕರೆಸಿಕೊಳ್ಳಾಗಿದೆ.

ಈಗಾಗಲೇ ಆತಿಥೇಯರ ವಿರುದ್ಧ ಮೊದಲ ಟೆಸ್ಟ್‌ನಲ್ಲಿ ಇನ್ನಿಂಗ್ಸ್‌ ಹಾಗೂ 40 ರನ್‌ಗಳಿಂದ ಸೋತಿರುವ ಶ್ರೀಲಂಕಾ 2ನೇ ಪಂದ್ಯ ಜಯಿಸಿ ಸರಣಿ ಸಮಬಲಗೊಳಿಸುವ ನಿರೀಕ್ಷೆಯಲ್ಲಿದೆ.

ಶ್ರೀಲಂಕಾ ತಂಡದಿಂದ ಮತ್ತೋರ್ವ ಬೌಲರ್‌ ದುಶ್ಮಂತ ಚಮೀರ ಕೂಡ ಗಾಯದಿಂದಾಗಿ ತಂಡದಿಂದ ಹೊರನಡೆದಿದ್ದಾರೆ. ಮೊದಲ ಟೆಸ್ಟ್‌ ವೇಳೆ ಎಡಪಾದಕ್ಕೆ ಗಾಯ ಮಾಡಿಕೊಂಡಿರುವ ದುಶ್ಮಂತ ಶುಕ್ರವಾರ ನಡೆಯಲಿರುವ 2ನೇ ಹಾಗೂ ಅಂತಿಮ ಟೆಸ್ಟ್‌ನಿಂದ ಹೊರಗಿಡಲಾಗಿದೆ. ಇಬ್ಬರು ಆಟಗಾರರು ತವರಿಗೆ ಮರಳಿಲಿದ್ದಾರೆ ಎಂದು ಶ್ರೀಲಂಕಾ ಕ್ರಿಕೆಟ್‌ ಮಂಡಳಿ ತಿಳಿಸಿದೆ