ಭಾರತದ ಜಿಡಿಪಿ ದರ ಶೇ.7ಕ್ಕೆ ಇಳಿಸಿದ ಎಸ್‌ಆ್ಯಂಡ್‌ಪಿ

ನವದೆಹಲಿ: ಪ್ರಸಕ್ತ ಹಣಕಾಸು ವರ್ಷದಲ್ಲಿ ಭಾರತದ ಆರ್ಥಿಕ ಪ್ರಗತಿಯ ನಿರೀಕ್ಷೆಯನ್ನು ಕಡಿತಗೊಳಿಸಿರುವ ಎಸ್‌ ಆ್ಯಂಡ್‌ ಪಿ ಜಾಗತಿಕ ರೇಟಿಂಗ್ಸ್‌ ಸಂಸ್ಥೆ, ಜಿಡಿಪಿ ಪ್ರಗತಿ ದರದ ಅಂದಾಜನ್ನು ಶೇ.7ಕ್ಕಿಳಿಸಿದೆ.

ಆದರೆ, ಭಾರತವು ದೇಶೀಯ ಬೇಡಿಕೆ ಆಧಾರಿತ ಆರ್ಥಿಕತೆಯಾಗಿರುವ ಕಾರಣ ಜಾಗತಿಕ ಹಿಂಜರಿತದ ದೊಡ್ಡ ಮಟ್ಟದ ಪ್ರತಿಕೂಲ ಪರಿಣಾಮವು ದೇಶದ ಮೇಲೆ ಉಂಟಾಗದು ಎಂಬ ಭರವಸೆಯ ಮಾತುಗಳನ್ನೂ ಆಡಿದೆ.

ಸೆಪ್ಟೆಂಬರ್‌ ತಿಂಗಳಲ್ಲಿ ಭವಿಷ್ಯ ನುಡಿದಿದ ಎಸ್‌ ಆ್ಯಂಡ್‌ ಪಿ, 2022-23ರಲ್ಲಿ ಭಾರತದ ಆರ್ಥಿಕತೆಯು ಶೇ.7.3ರ ಬೆಳವಣಿಗೆ ದಾಖಲಿಸಲಿದೆ.

2023-24ರಲ್ಲಿ ಶೇ.6.5ರಷ್ಟು ಪ್ರಗತಿ ಹೊಂದಲಿದೆ ಎಂದು ಹೇಳಿತ್ತು. ಆದರೆ, ಈಗ ಈ ಅಂದಾಜನ್ನು ಮತ್ತಷ್ಟು ಇಳಿಸಿದೆ.