Advertisement

ಹೊರಬಂತು “ಡಿಎನ್‌ಎ’ಸಾಂಗ್ಸ್‌: ಸಂಬಂಧಗಳ ಸುತ್ತ ಒಂದು ಚಿತ್ರ

02:24 PM Jan 08, 2022 | Team Udayavani |

ರೋಜರ್‌ ನಾರಾಯಣ್‌, ಎಸ್ತರ್‌ ನರೋನಾ, ಅಚ್ಯುತ ಕುಮಾರ್‌, ಯಮುನಾ, ಅನಿತಾ ಭಟ್‌, ಮಾ. ಕೃಷ್ಣ ಚೈತನ್ಯ, ಧ್ರುವ ಮೇಹು, ನಿಹಾರಿಕಾ ಮೊದಲಾದ ಕಲಾವಿದರು ಅಭಿನಯಿಸಿರುವ “ಡಿಎನ್‌ಎ’ ಚಿತ್ರದ ಆಡಿಯೋ ಇತ್ತೀಚೆಗೆ ಹೊರಬಂದಿತು. ಪದ್ಮಶ್ರೀ ಪುರಸ್ಕೃತ ತುಳಸಿ ಗೌಡ ಅವರು ಚಿತ್ರದ ಹಾಡುಗಳನ್ನು ಬಿಡುಗಡೆ ಮಾಡಿ ಚಿತ್ರತಂಡಕ್ಕೆ ಶುಭ ಕೋರಿದರು. ಲೇಖಕ ದೇವನೂರು ಮಹಾದೇವ ಅವರ “ಸಂಬಂಜ ಅನ್ನೋದು ದೊಡುª ಕನಾ’ ಎಂಬ ವಾಕ್ಯವನ್ನು ಸ್ಫೂರ್ತಿಯಾಗಿಟ್ಟುಕೊಂಡು ತಯಾರಾಗಿರುವ “ಡಿಎನ್‌ಎ’ ಚಿತ್ರವನ್ನು ಪ್ರಕಾಶ್‌ ರಾಜ್‌ ಮೇಹು ನಿರ್ದೇಶಿಸಿದ್ದಾರೆ.

Advertisement

ಇದೇ ವೇಳೆ ಚಿತ್ರದ ಬಗ್ಗೆ ಮಾತನಾಡಿದ ನಿರ್ದೇಶಕ ಪ್ರಕಾಶ್‌ ರಾಜ್‌ ಮೇಹು, “ಕಳೆದ 25 ವರ್ಷಗಳಿಂದ ನಾನು ಕನ್ನಡ ಚಿತ್ರರಂಗದಲ್ಲಿ ಸಕ್ರಿಯವಾಗಿದ್ದೇನೆ. ಟಿ.ಎಸ್‌ ನಾಗಾಭರಣ ಅವರ “ಜನುಮದ ಜೋಡಿ’ ಚಿತ್ರಕ್ಕೆ ಸಂಭಾಷಣೆಯನ್ನು ಬರೆದಿದ್ದೇನೆ. ಬಹಳ ವರ್ಷಗಳ ಬಳಿಕ ಈಗ “ಡಿಎನ್‌ಎ’ ನಂತರ ಎನ್ನುವ ಈ ಚಿತ್ರವನ್ನು ನಿರ್ದೇಶಿಸಿದ್ದೇನೆ. ಇಡೀ ಸಿನಿಮಾ ಸಂಬಂಧಗಳ ಸುತ್ತ ನಡೆಯುತ್ತದೆ’ ಎಂದು ಕಥೆಯ ಎಳೆ ಬಿಚ್ಚಿಟ್ಟರು.

ಇದನ್ನೂ ಓದಿ:ವಿತರಣೆಯತ್ತ ಸತ್ಯ ಪ್ರಕಾಶ್‌..: ರಾಮಾ ರಾಮಾ ರೇ ನಿರ್ದೇಶಕನ ಹೊಸ ಸಾಹಸ

“ಕುಟುಂಬ ಸಮೇತ ಕುಳಿತು ನೋಡಬಹುದಾದ ಸಿನಿಮಾ ಮಾಡುವ ಬಹಳ ವರ್ಷಗಳ ಆಸೆ ಈ ಸಿನಿಮಾದ ಮೂಲಕ ಈಡೇರಿದೆ. ನಿರ್ದೇಶಕರು ಹೇಳಿದ ಕಥೆ ಇಷ್ಟವಾಗಿದ್ದರಿಂದ, ಈ ಸಿನಿಮಾ ನಿರ್ಮಾಣ ಮಾಡಿದ್ದೀನಿ. ಎಲ್ಲರಿಗೂ ಸಿನಿಮಾ ಇಷ್ಟವಾಗಲಿದೆ’ ಎಂಬುದು ನಿರ್ಮಾಪಕ ಮೈಲಾರಿ ಮಾತು.

ನಟರಾದ ಅಚ್ಯುತ ಕುಮಾರ್‌, ನಾಯಕ ನಟಿ ಎಸ್ತರ್‌ ನರೋನಾ, ಅನಿತಾ ಭಟ್‌ ಮೊದಲಾದ ಕಲಾವಿದರು ಚಿತ್ರದಲ್ಲಿ ತಮ್ಮ ಪಾತ್ರ ಪರಿಚಯ ಮಾಡಿಕೊಂಡು, ಚಿತ್ರದ ಬಗ್ಗೆ ಭರವಸೆಯ ಮಾತುಗಳನ್ನಾಡಿದರು. ಚಿತ್ರದ ಹಾಡುಗಳಿಗೆ ಚೇತನ್‌ ರಾಜ್‌ ಸಂಗೀತ ಸಂಯೋಜಿಸುತ್ತಿದ್ದಾರೆ. ಚಿತ್ರದ ತಂಡದ ಪ್ಲಾನ್‌ ಪ್ರಕಾರ, ಈ ವಾರ (ಜ. 7ಕ್ಕೆ) ಚಿತ್ರ ಬಿಡುಗಡೆಯಾಗಿ ತೆರೆಗೆ ಬರಬೇಕಿತ್ತು. ಆದರೆ ಒಮಿಕ್ರಾನ್‌ ಆತಂಕದಿಂದ ನೈಟ್‌ ಕರ್ಫ್ಯೂ ಮತ್ತು ವೀಕೆಂಡ್‌ ಕರ್ಫ್ಯೂ ಜಾರಿಯಾಗಿದ್ದರಿಂದ, ಸದ್ಯ “ಡಿಎನ್‌ಎ’ ಚಿತ್ರದ ಬಿಡುಗಡೆಯನ್ನು ಚಿತ್ರತಂಡ ಮುಂದೂಡಿದೆ.

Advertisement

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next