ದೀಪಿಕಾ ‘ಪಠಾಣ್’ವಿವಾದ ನಡುವೆ ಹರಿದಾಡುತ್ತಿದೆ ಸ್ಮೃತಿ ಇರಾನಿ ‘ಸ್ವಿಮ್ ಸೂಟ್’ವಿಡಿಯೋ

ಹೊಸದಿಲ್ಲಿ: ಪಠಾಣ್ ಚಿತ್ರದ ಹಾಡಿನ ವಿವಾದದ ಬಳಿಕ ಇದೀಗ ಕೇಂದ್ರ ಸಚಿವೆ ಸ್ಮೃತಿ ಇರಾನಿ ಅವರ ಹಳೇಯ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ಸ್ಮೃತಿ ಇರಾನಿ ಅವರು 1998ರ ಮಿಸ್ ಇಂಡಿಯಾ ಸ್ಪರ್ಧೆಯಲ್ಲಿ ಈಜುಡುಗೆಯಲ್ಲಿ ಭಾಗವಹಿಸಿದ್ದ ವಿಡಿಯೋ ಇದೀಗ ವೈರಲ್ ಆಗುತ್ತಿದೆ.

ಪಠಾಣ್ ಚಿತ್ರದ ಒಂದು ಹಾಡಿನಲ್ಲಿ ದೀಪಿಕಾ ಪಡುಕೋಣೆ ಅವರ ಕೇಸರಿ ಬಿಕಿನಿ ತೊಟ್ಟಿದ್ದು ಇದೀಗ ವಿವಾದದ ರೂಪ ಪಡೆದಿದೆ. ತೃಣಮೂಲ ಕಾಂಗ್ರೆಸ್ ನಾಯಕ ರಿಜು ದತ್ತಾ ಅವರು ಬಿಜೆಪಿಯ ಅಮಿತ್ ಮಾಳವಿಯಾ ಅವರ ಟ್ವೀಟ್‌ ಗೆ ಇರಾನಿ ಅವರ ಈಜುಡುಗೆ ಸುತ್ತಿನ ಸ್ಪರ್ಧೆಯ ವೀಡಿಯೊ ಹಾಕಿ ಪ್ರತಿಕ್ರಿಯಿಸಿದ್ದಾರೆ.

ಇದನ್ನೂ ಓದಿ:ಪ್ರಧಾನಿ ಮೋದಿ ವಿರುದ್ಧ ಪಾಕ್ ಸಚಿವ ಭುಟ್ಟೋ ಜರ್ದಾರಿ ಆಕ್ಷೇಪಾರ್ಹ ಹೇಳಿಕೆ

ಇದಕ್ಕೆ ಪ್ರತಿಕ್ರಿಯೆ ನೀಡಿದ ಬಿಜೆಪಿ ಸಂಸದ ಲಾಕತ್ ಚಟರ್ಜಿ, ‘ರಿಜು ದತ್ತಾ ಅವರು ಸ್ತ್ರೀ ದ್ವೇಷಿ’ ಎಂದು ಜರೆದಿದ್ದಾರೆ.

ಇದಕ್ಕೆ ತಿರುಗೇಟು ನೀಡಿರುವ ತೃಣಮೂಲ ಕಾಂಗ್ರೆಸ್ ನಾಯಕ ದತ್ತಾ, “ಮೊದಲು, ಕೇಸರಿ ನಿಮ್ಮ ಪಕ್ಷದ ಪಿತ್ರಾರ್ಜಿತ ಆಸ್ತಿ ಎಂಬಂತೆ ವರ್ತಿಸುವುದನ್ನು ನಿಲ್ಲಿಸಿ. ಎರಡನೆಯದಾಗಿ, ದೀಪಿಕಾ ಪಡುಕೋಣೆಯಂತಹ ಮಹಿಳೆಯರು ಕೇಸರಿ ಧರಿಸಿದಾಗ ನಿಮಗೆ ನಡುಕ ಉಂಟಾಗುತ್ತದೆ ಆದರೆ ಸ್ಮೃತಿ ಇರಾನಿ ಮಾಡಿದಾಗ, ನಿಮಗೆ ಭಾಗಶಃ ಕುರುಡುತನವಿತ್ತು. ಕಪಟಿಗಳು! ಇದಲ್ಲದೆ, ನಾನು ಮಹಿಳಾ ಸಬಲೀಕರಣದ ನಾಯಕತ್ವವಿರುವ ಪಕ್ಷಕ್ಕೆ ಸೇರಿದ್ದೇನೆ. ಆದರೆ ನೀವು ಅತ್ಯಾಚಾರಿಗಳನ್ನು “ಸಂಸ್ಕೃತಿ ಬ್ರಾಹ್ಮಣರು” ಎಂದು ಕರೆಯುವ ಪಕ್ಷದವರು” ಎಂದಿದ್ದಾರೆ.