Advertisement

ಸ್ಮೃತಿ ಇರಾನಿ ಮಗಳು ಶಾನೆಲ್ಲೆ ಇರಾನಿಯ ವಿವಾಹ : ಇಲ್ಲಿದೆ ನೋಡಿ ಸಂಪೂರ್ಣ ಮಾಹಿತಿ

04:17 PM Feb 08, 2023 | Team Udayavani |

ನವದೆಹಲಿ: ಕೇಂದ್ರ ಸಚಿವೆ ಸ್ಮೃತಿ ಇರಾನಿ ಅವರ ಮಗಳು ಶಾನೆಲ್ಲೆ ಇರಾನಿಯ ವಿವಾಹ ಫೆ.9ರಂದು ರಾಜಸ್ಥಾನದ ನಾಗೌರ್‌ನಲ್ಲಿ ನಡೆಯಲಿದೆ. ಗುರುವಾರ ಭಾರತೀಯ ಮೂಲದ ಕೆನಡಾ ನಿವಾಸಿ ಅರ್ಜುನ್‌ ಭಲ್ಲರನ್ನು ಶಾನೆಲ್ಲೆ ಇರಾನಿ ವರಿಸಲಿದ್ದಾರೆ. 2021 ರ ಡಿಸೆಂಬರ್‌ನಲ್ಲಿಯೇ  ಶಾನೆಲ್ಲೆ ಮತ್ತು ಅರ್ಜುನ್‌ ಭಲ್ಲ ನಿಶ್ಚಿತಾರ್ಥ ನೆರವೇರಿತ್ತು.

Advertisement

ಸ್ಮೃತಿ ಇರಾನಿಯ ಪತಿ ಝುಬಿನ್‌ ಇರಾನಿ ಅವರ ಮೊದಲ ಪತ್ನಿ ಮೋನಾ ಅವರ ಪುತ್ರಿಯಾಗಿರುವ ಶಾನೆಲ್ಲೆ ಇರಾನಿ ಮುಂಬೈನ ಸರ್ಕಾರಿ ಕಾನೂನು ಕಾಲೇಜಿನಲ್ಲಿ ಕಾನೂನು ಪದವಿ ಪಡೆದಿದ್ದಾರೆ. ಅಲ್ಲದೆ ವಾಷಿಂಗ್ಟನ್‌ ಡಿ.ಸಿಯಲ್ಲಿರುವ ಜಾರ್ಜ್‌ಟೌನ್‌ ವಿ.ವಿಯಿಂದ ಎಲ್‌ಎಲ್‌ಎಂ ಪದವಿಯನ್ನೂ ಪಡೆದಿದ್ದಾರೆ.

2021 ರ ಡಿಸೆಂಬರ್‌ನಲ್ಲಿಯೇ  ಶಾನೆಲ್ಲೆ ಮತ್ತು ಅರ್ಜುನ್‌ ನಿಶ್ಚಿತಾರ್ಥ ಮಾಡಿಕೊಂಡ ಬಗ್ಗೆ ಇನ್ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದರು. ಅರ್ಜುನ್‌ ಭಲ್ಲ ಎಂಬಿಎ ಪದವೀಧರರಾಗಿದ್ದು ಕುಟುಂಬದ ಜೊತೆಯಲ್ಲಿ ಕೆನಡದಲ್ಲಿ ವಾಸಿಸುತ್ತಿದ್ದಾರೆ.

ಶಾನೆಲ್ಲೆ ಇರಾನಿ ಮತ್ತು ಅರ್ಜುನ್‌ ಭಲ್ಲರ ವಿವಾಹ ಸಂಮಾರಂಭ ರಾಜಸ್ಥಾನದ ನಾಗೌರ್‌ ಜಿಲ್ಲೆಯ ಖಿಮ್ಸರ್‌ ಫೋರ್ಟ್‌ನಲ್ಲಿ ನಡೆಯಲಿದೆ. 500 ವರ್ಷ ಹಳೆಯದಾದ ಖಿಮ್ಸರ್‌ ಫೋರ್ಟ್‌ ಬಿಜೆಪಿ ನಾಯಕ ಗಜೇಂದ್ರ ಸಿಂಗ್‌ ಒಡೆತನದಲ್ಲಿದ್ದು ಅದನ್ನು ಪಾರಂಪರಿಕ ಹೋಟೆಲನ್ನಾಗಿ ಪರಿವರ್ತಿಸಲಾಗಿದೆ.

ಕೇಂದ್ರ ಸಚಿವೆಯಾದ ಬಳಿಕ, ಎಷ್ಟೇ ಬ್ಯುಸಿಯಾಗಿದ್ರೂ ತಮ್ಮ ಕುಟುಂಬಕ್ಕೆ ಸಾಕಷ್ಟು ಸಮಯ ನೀಡುವ ಸ್ಮೃತಿ ಇರಾನಿ ತಮ್ಮ ಕುಟುಂಬದ ಜೊತೆಗೆ ಕ್ಲಿಕ್ಕಿಸಿದ ಫೋಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಶೇರ್‌ ಮಾಡುತ್ತಿರುತ್ತಾರೆ.

Advertisement

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next