ಆಕಾಶದಲ್ಲಿ ಮತದಾನ ಜಾಗೃತಿ

ಸಿಂದಗಿ: ನಿಮ್ಮ ಮತ ನಿಮ್ಮ ಹಕ್ಕು. ತಪ್ಪದೇ ನಿಮ್ಮ ಮತ ಚಲಾಯಿಸಿ ಎಂಬ ಬ್ಯಾನರ್‌ ಮೂಲಕ ಪ್ಯಾರಾ ಮೋಟರಿಂಗ್‌ ಮೂಲಕ ಬುಧವಾರ ಸಿಂದಗಿ ಪಟ್ಟಣದ ಜನತೆಗೆ ಮತದಾನದ ಜಾಗೃತಿ ಮೂಡಿಸಲಾಯಿತು. ಪಟ್ಟಣದ ಕ್ರೀಡಾಂಗಣದಲ್ಲಿ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದ ಲೋಕಸಭಾ ಚುನಾವಣೆಯ ಸಿಂದಗಿ ಮತಕ್ಷೇತ್ರದ ಸಹಾಯಕ ಚುನಾವಣಾಧಿ
ಕಾರಿ ವೀರೇಶಕುಮಾರ ಮಾತನಾಡಿ, ಮತದಾನ ಅತ್ಯಂತ ಪವಿತ್ರವಾದದ್ದು.
ಮತದಾನ ನಿಮ್ಮ ಹಕ್ಕು. ಕಡ್ಡಾಯವಾಗಿ ಮತದಾನ ಮಾಡಿ. ಮತದಾನ ಜಾಗೃತಿ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ.

ವಿದ್ಯುನ್ಮಾನ ಮತಯಂತ್ರದ ಕುರಿತು ಸಾರ್ವಜನಿಕ ಸ್ಥಳಗಳಲ್ಲಿ, ಮತಗಟ್ಟೆಗಳಲ್ಲಿ ಮತ್ತು ಮನೆ ಮನೆಗೆ ಹೋಗಿ ಮತದಾನದ ಬಗ್ಗೆ ಜಾಗೃತಿ
ಮೂಡಿಸಲಾಗಿದೆ ಎಂದು ಹೇಳಿದರು.

ಪ್ಯಾರಾ ಮೋಟರಿಂಗ್‌ ಪಟ್ಟಣದ ವಿವಿಧ ಬಡಾವಣೆ ಆಕಾಶದಲ್ಲಿ ಸಂಚರಿಸಿ ಮತದಾನದ ಕುರಿತು ಜಾಗೃತಿ ಮೂಡಿಸಿತು. ತಹಶೀಲ್ದಾರ್‌ ಚನ್ನಮಲ್ಲಪ್ಪ
ಗಂಟಿ, ಪುರಸಭೆ ಮುಖ್ಯಾ ಧಿಕಾರಿ ಸೈಯದಅಹ್ಮದ, ತೋಟಗಾರಿಕೆ
ಅಧಿಕಾರಿ ಅಮೋಗಿ ಹಿರೇಕುರಬರ, ತಾಲೂಕು ಕ್ರೀಡಾಧಿಕಾರಿ ಈಶ್ವರಕುಮಾರ ಲಕ್ಕೊಂಡ, ಬಿಸಿಎಂ ಅಧಿಕಾರಿ ಬಸಯ್ಯ ಗೋಳಮಠ, ಎಸ್‌.ಎ. ನದಾಫ್‌, ಸಿ.ಜಿ. ಹೆಬ್ಟಾಳ, ಕೆ.ಡಿ. ಕರಮಳ್ಳಿ, ಶಿವಚಂದ್ರ ಕತ್ನಳ್ಳಿ ಸೇರಿದಂತೆ ತಾಲೂಕಿನ ವಿವಿಧ
ಇಲಾಖೆ ಅಧಿಕಾರಿಗಳು ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು.