Advertisement

ಸಿಂಪಲ್ Tricks : ಉಫ್ ಅಂದ್ರೆ ಸಕ್ರೆ ಮಾಯ!

09:53 AM Apr 05, 2019 | Hari Prasad |

ಅಡುಗೆಮನೆಯ ಡಬ್ಬದಲ್ಲಿದ್ದ ಸಕ್ಕರೆ ಮಾಯ ಮಾಡುವುದು ಹೇಗೆ ಅಂತ ನಿಮಗೆ ಚೆನ್ನಾಗಿ ತಿಳಿದಿರಬಹುದಲ್ಲವೇ? ಅಮ್ಮನಿಗೆ ಗೊತ್ತಾಗದಂತೆ ಡಬ್ಬಕ್ಕೆ ಕೈ ಹಾಕಿ ತಂದು ಖಾಲಿ ಮಾಡುವುದಲ್ಲ. ಈ ಮ್ಯಾಜಿಕ್‌ ಕಲಿತರೆ ತಿನ್ನದೆಯೇ ಸಕ್ಕರೆ ಖಾಲಿ ಮಾಡಬಹುದು.

Advertisement

ಪ್ರದರ್ಶನ
ಜಾದೂಗಾರ ಪ್ಯಾಕೆಟ್‌ನಲ್ಲಿದ್ದ ಸಕ್ಕರೆಯನ್ನು ತನ್ನ ಮುಷ್ಟಿಯೊಳಗೆ ಸುರಿಯುತ್ತಾನೆ. ಉಫ್ ಅಂತ ಊದಿದರೆ ಸಕ್ಕರೆ ಮಾಯ!

ಬೇಕಾದ ವಸ್ತುಗಳು:
ಅದಕ್ಕೆ ಬೇಕಾದ ವಸ್ತುಗಳು ಯಾವುದೆಂದರೆ ಹೊಟೇಲುಗಳಲ್ಲಿ ಚಹಾ ಅಥವಾ ಕಾಫಿಗೆ ಸೇರಿಸಲು ಪ್ರತ್ಯೇಕ ಪ್ಯಾಕೆಟ್‌ಗಳಲ್ಲಿ ಸಕ್ಕರೆಯನ್ನು ಇಟ್ಟಿರುತ್ತಾರಲ್ಲಾ, ಅಂತಹ ಐದಾರು ಪ್ಯಾಕೆಟ್‌ಗಳು.

ವಿಧಾನ
ಟೇಬಲಿನ ಮೇಲೆ ಈ ಪ್ಯಾಕೆಟ್‌ಗಳನ್ನು ಒಂದು ಚಿಕ್ಕ ಬೌಲ್‌ನಲ್ಲಿ ಹಾಕಿಡಿ. ಇದರಲ್ಲಿ ಒಂದನ್ನು ಸ್ವಲ್ಪವೇ ಹರಿದು ಸಕ್ಕರೆಯನ್ನೆಲ್ಲಾ ಖಾಲಿ ಮಾಡಿ ಮಿಕ್ಕ ಪ್ಯಾಕೆಟ್‌ನಡುವೆ ಸೇರಿಸಿ ಇಡಬೇಕು. ಈಗ ಮ್ಯಾಜಿಕ್‌ ಮಾಡಲು ಸಿದ್ಧರಾಗಿ.

ನಿಮ್ಮ ಸ್ನೇಹಿತರ ಎದುರು ಮೊದಲೇ ಖಾಲಿ ಮಾಡಿ ಇಟ್ಟಿದ್ದ ಸಕ್ಕರೆ ಪ್ಯಾಕೆಟನ್ನು ತೆಗೆದು ಅದನ್ನು ಹರಿಯಿರಿ. ಆದರೆ ಹರಿಯುವಾಗ ನಿಮ್ಮ ಬೆರಳುಗಳು ಪ್ಯಾಕೆಟ್‌ಗೆ ಅಡ್ಡವಾಗಿರಲಿ. ಇಲ್ಲದಿದ್ದಲ್ಲಿ ಪ್ಯಾಕೆಟ್‌ ಖಾಲಿ ಇರುವುದು ಸ್ನೇಹಿತರ ಗಮನಕ್ಕೆ ಬರಬಹುದು. ಈಗ ನಿಮ್ಮ ಎಡಗೈ ಮುಷ್ಟಿಯಲ್ಲಿ ಸಕ್ಕರೆಯನ್ನು ಸುರಿದಂತೆ ನಟಿಸಿ. ಉಫ್ ಎಂದು ಊದಿ ಕೈಯನ್ನು ತೆರೆದರೆ ಸಕ್ಕರೆ ಮಾಯ.

Advertisement

— ಉದಯ್‌ ಜಾದೂಗಾರ್‌

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next