ಮೂವರು ಸಹೋದ್ಯೋಗಿಗಳನ್ನೇ ಗುಂಡಿಟ್ಟು ಕೊಂದ ಪೊಲೀಸ್‌ ಅಧಿಕಾರಿ

ನವದೆಹಲಿ: ಪತ್ನಿಯ ಬಗ್ಗೆ ಆಕ್ಷೇಪಾರ್ಹ ಹೇಳಿಕೆಗಳನ್ನು ಕೊಟ್ಟರೆಂಬ ಕಾರಣಕ್ಕೆ ಪೊಲೀಸ್‌ ಅಧಿಕಾರಿಯೊಬ್ಬರು ಮೂವರು ಸಹೋದ್ಯೋಗಿಗಳನ್ನೇ ಗುಂಡಿಟ್ಟು ಕೊಂದಿರುವ ಘಟನೆ ನವದೆಹಲಿಯಲ್ಲಿ ನಡೆದಿದೆ.

ನಗರದ ಹೈದರ್‌ಪುರ ನೀರು ಸಂಸ್ಕರಣಾ ಘಟಕದಲ್ಲಿ ಸೋಮವಾರ ಈ ಘಟನೆ ನಡೆದಿದೆ. ಸ್ಥಳದಲ್ಲಿ ಸಿಕ್ಕಿಂ ಪೊಲೀಸ್‌ ಇಲಾಖೆಯ ಅಧಿಕಾರಿಗಳನ್ನು ಕಾವಲಿಗೆಂದು ನಿಯೋಜಿಸಲಾಗಿತ್ತು.

ಅದರಲ್ಲಿ ಪ್ರಬಿನ್‌ ರೈ(32) ಹೆಸರಿನ ಅಧಿಕಾರಿಯ ಪತ್ನಿಯ ಬಗ್ಗೆ ಸಹೋದ್ಯೋಗಿಗಳು ಕಾಮೆಂಟ್‌ ಮಾಡಿದ್ದಾರೆ. ಆ ಹಿನ್ನೆಲೆ ಅವರು ಕಮಾಂಡರ್‌ ಪಿಂಟೋ ಭೂಟಿಯಾ, ಪೇದೆಗಳಾದ ಇಂದ್ರ ಲಾಲ್‌ ಛೆತ್ರಿ ಮತ್ತು ಧನ್ಹಾಗ್‌ ಸುಬ್ಬ ಅವರಿಗೆ ಗುಂಡು ಹಾರಿಸಿದ್ದಾರೆ. ನಂತರ ತಾವೇ ಪೊಲೀಸ್‌ ಠಾಣೆಗೆ ಬಂದು ಶರಣಾಗಿದ್ದಾರೆ.