Siddapura: ಸ್ಕಾರ್ಪಿಯೋದಲ್ಲಿ ಸಾಗಿಸುತ್ತಿದ್ದ ಐದು ಜಾನುವಾರು ರಕ್ಷಣೆ

ಸಿದ್ದಾಪುರ: ಸ್ಕಾರ್ಪಿಯೋ ವಾಹನದಲ್ಲಿ ಹಿಂಸಾತ್ಮಕವಾಗಿ ಜಾನು ವಾರುಗಳನ್ನು ಸಾಗಾಟ ಮಾಡುತ್ತಿದ್ದ ಖಚಿತ ಮಾಹಿತಿ ಮೇರೆಗೆ ಕಾರ್ಯಾಚರಣೆ ನಡೆಸಿದ ಅಮಾಸೆಬೈಲು ಪೊಲೀಸರು ಐದು ಜಾನುವಾರುಗಳನ್ನು ರಕ್ಷಿಸಿದ್ದು, ಒಂದು ಕರು ಸಾವನ್ನಪ್ಪಿದೆ.

ಅಮಾಸೆಬೈಲು ಎಸ್‌ಐಗಳಾದ ಸೌಮ್ಯ ಜೆ.ಪಿ., ಚಂದ್ರ ಕೆ.ಪಿ., ಸಿಬಂದಿಯಾದ ಮಲ್ಲೇಶ್‌, ಸುಧಾಕರ್‌ ಅವರ ತಂಡ ಸ್ಕಾರ್ಪಿಯೋ ವಾಹನವನ್ನು ಜಡ್ಡಿನಗದ್ದೆ – ನಡಂಬೂರು ರಸ್ತೆಯ ತಿರುವಿನಲ್ಲಿ ಅಡ್ಡಗಟ್ಟಿದ್ದು, ಆರೋಪಿಗಳು ವಾಹನ ನಿಲ್ಲಿಸದೇ ಪರಾರಿಯಾಗಿದ್ದರು. ಪೊಲೀಸರು ಬೆನ್ನಟ್ಟಿದ್ದು, ನಿಲ್ಸಕಲ್‌ ಎಂಬಲ್ಲಿ ವಾಹನ ತಡೆದು ನಿಲ್ಲಿಸಿದಾಗ ಆರೋಪಿಗಳು ಪರಾರಿಯಾಗಿದ್ದಾರೆ. ಸ್ಕಾರ್ಪಿಯೋ ವಾಹನದಲ್ಲಿ ಹಿಂಸಾತ್ಮಕವಾಗಿ 6 ಜಾನುವಾರುಗಳನ್ನು ಸಾಗಿಸುತ್ತಿದ್ದುದು ಪತ್ತೆಯಾಗಿದ್ದು ಐದು ದನಗಳನ್ನು ರಕ್ಷಿಸಲಾಗಿದೆ. ಇನ್ನೊಂದು ಗಂಡು ಕರು ಸಾವನ್ನಪ್ಪಿದೆ. ಕೃತ್ಯಕ್ಕೆ ಬಳಸಿದ ವಾಹನ, ಮೊಬೈಲ್‌ ಫೋನ್‌ ಅನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಅಮಾಸೆಬೈಲು ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.