Advertisement

ಕಾಪು : ಬಾಲಕಿಯ ಚಿಕಿತ್ಸೆಗಾಗಿ ವೇಷ ಧರಿಸಿ 10 ಲಕ್ಷ ರೂ. ಸಂಗ್ರಹಿಸಿದ ಯೂಟ್ಯೂಬರ್

04:02 PM Aug 27, 2022 | Team Udayavani |

ಕಾಪು : ತಲಸೇಮಿಯಾ ಮೇಜರ್‌ ಎಂಬ ವಿಶಿಷ್ಟ ಕಾಯಿಲೆಯಿಂದ ಬಳಲುತ್ತಿರುವ ಹೆಬ್ರಿ ತಾಲೂಕು ಕುಚ್ಚಾರು ಗ್ರಾಮದ ಸಾನ್ವಿ ನಾಯ್ಕ ಎಂಬ ಬಾಲಕಿಯ ಬೋನ್‌ಮ್ಯಾರೋ ಟ್ರಾನ್ಸ್‌ ಪ್ಲಾಂಟ್‌ ಚಿಕಿತ್ಸೆಗೆ ಸ್ಪಂದಿಸುವ ಉದ್ದೇಶದೊಂದಿಗೆ ಕಾಪುವಿನ ಯೂಟ್ಯೂಬರ್‌ ಸಚಿನ್‌ ಶೆಟ್ಟಿ ನೇತೃತ್ವದ ಶಟರ್‌ ಬಾಕ್ಸ್‌ ಫಿಲಮ್ಸ್‌ ತಂಡ ಅಷ್ಟಮಿಯ ದಿನ ವೇಷ ಧರಿಸಿ ಸಂಗ್ರಹಿಸಿದ 10.51 ಲ.ರೂ. ಮೊತ್ತದ ಸಹಾಯ ಧನವನ್ನು ಗುರುವಾರ ಬಾಲಕಿಯ ಹೆತ್ತವರಿಗೆ ಸಾಮಾಜಿಕ ಕಾರ್ಯಕರ್ತ ರವಿ ಕಟಪಾಡಿ ಅವರ ಮೂಲಕ ಹಸ್ತಾಂತರಿಸಲಾಯಿತು.

Advertisement

ಸಚಿನ್‌ ಶೆಟ್ಟಿ ನೇತೃತ್ವದಲ್ಲಿ ಚೇತನ್‌ ಶೆಟ್ಟಿ, ನಿತೇಶ್‌ ಪೂಜಾರಿ, ಶ್ರೇಯಸ್‌, ಸುದೀಪ್‌ ಮೊದಲಾದವರು ರಕ್ಕಸ ವೇಷ ಧರಿಸಿ ಅಷ್ಟಮಿಯಂದು ಹಣ ಸಂಗ್ರಹಿಸಿದ್ದಲ್ಲದೆ ಸಾಮಾಜಿಕ ಜಾಲತಾಣದ ಮೂಲಕವೂ ದೇಣಿಗೆ ನೀಡುವಂತೆ ಮನವಿ ಮಾಡಿದ್ದರು. ತಂಡ ವೇಷ ಧರಿಸಿ 1.50 ಲಕ್ಷ ರೂ. ಸಂಗ್ರಹಿಸಿದ್ದು ಸಾಮಾಜಿಕ ಜಾಲತಾಣ ಮೂಲಕ ಸುಮಾರು 9 ಲಕ್ಷ ರೂ. ಸಂಗ್ರಹಿಸಿತ್ತು.

ಸಾನ್ವಿಯ ಚಿಕಿತ್ಸೆಗೆ ಸುಮಾರು 40 ಲ.ರೂ.ವರೆಗೆ ಬೇಕಿದ್ದು ಸಮಾಜದ ಹಲವಾರು ಸಂಘ ಸಂಸ್ಥೆಗಳು ತಮ್ಮ ಕೈಲಾದಷ್ಟು ಮೊತ್ತವನ್ನು ನೀಡಿದ್ದಾರೆ. ಚಿಕಿತ್ಸೆಗಾಗಿ ಇನ್ನೂ 15-20 ಲಕ್ಷ ರೂ. ವರೆಗೆ ಹಣ ಸಂಗ್ರಹವಾಗಬೇಕಾಗಿದೆ.

ಇದನ್ನೂ ಓದಿ : ಈ ಭಾರತೀಯ ಆಟಗಾರ ಏಷ್ಯಾಕಪ್ ನಲ್ಲಿ ದೊಡ್ಡ ಸ್ಕೋರ್‌ ಮಾಡಬಲ್ಲ: ರಶೀದ್‌ ಖಾನ್

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next