ಶ್ರೇಯಸ್‌ ಅಯ್ಯರ್‌, ಅಮೇಲಿಯಾ ಐಸಿಸಿ ತಿಂಗಳ ಆಟಗಾರರು

ದುಬಾೖ: ವೆಸ್ಟ್‌ ಇಂಡೀಸ್‌ ಮತ್ತು ಶ್ರೀಲಂಕಾ ವಿರುದ್ಧದ ಸರಣಿಗಳಲ್ಲಿ ಅಮೋಘ ಪ್ರದರ್ಶನ ನೀಡಿದ ಭಾರತದ ಭರವಸೆಯ ಬ್ಯಾಟರ್‌ ಶ್ರೇಯಸ್‌ ಅಯ್ಯರ್‌ ಫೆಬ್ರವರಿ ತಿಂಗಳ “ಐಸಿಸಿ ಆಟಗಾರ’ ಪ್ರಶಸ್ತಿಗೆ ಆಯ್ಕೆಯಾಗಿದ್ದಾರೆ.

ಶ್ರೇಯಸ್‌ ಅಯ್ಯರ್‌ ಶ್ರೀಲಂಕಾ ಎದುರಿನ ಟಿ20 ಸರಣಿಯಲ್ಲಿ ಅಜೇಯರಾಗಿ ಉಳಿದು 174.36ರ ಸ್ಟ್ರೈಕ್‌ರೇಟ್‌ನಲ್ಲಿ 204 ರನ್‌ ಬಾರಿಸಿದ್ದರು. ಇದಕ್ಕೂ ಮೊದಲು ವೆಸ್ಟ್‌ ಇಂಡೀಸ್‌ ವಿರುದ್ಧದ ಅಂತಿಮ ಏಕದಿನ ಪಂದ್ಯದಲ್ಲಿ 80 ರನ್‌ ಹೊಡೆದಿದ್ದರು.

ಇದನ್ನೂ ಓದಿ:ವನಿತಾ ವಿಶ್ವಕಪ್‌: ದಕ್ಷಿಣ ಆಫ್ರಿಕಾ ಹ್ಯಾಟ್ರಿಕ್‌ ವಿನ್‌

ಮಹಿಳೆಯರ ವಿಭಾಗದಲ್ಲಿ ಕಿವೀಸ್‌ನ ಯುವ ಆಲ್‌ರೌಂಡರ್‌ ಅಮೇಲಿಯಾ ಕೆರ್‌ ಅವರಿಗೆ ಈ ಗೌರವ ಒಲಿದಿದೆ. ಭಾರತ ವಿರುದ್ಧದ ಏಕದಿನ ಏಕದಿನ ಸರಣಿಯಲ್ಲಿ ಶತಕ ಮತ್ತು ಅರ್ಧ ಶತಕದ ನೆರವಿನಿಂದ 353 ರನ್‌ ಜತೆಗೆ 7 ವಿಕೆಟ್‌ ಸಂಪಾದಿಸಿದ ಕೆರ್‌ ಸರಣಿ ಶ್ರೇಷ್ಠ ಗೌರವಕ್ಕೆ ಪಾತ್ರರಾಗಿದ್ದರು.