ಕೊಳ್ಳೇಗಾಲ: ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯರನ್ನು ಚಾಮುಂಡೇಶ್ವರಿ ಕ್ಷೇತ್ರದಲ್ಲಿ ಸೋಲಿಸಿದ ಮಾದರಿಯಲ್ಲೇ ಚಾಮರಾಜನಗರ ಲೋಕಸಭಾ ಕ್ಷೇತ್ರದ ಕಾಂಗ್ರೆಸ್‌ ಅಭ್ಯರ್ಥಿ ಹಾಗೂ ಸಂಸದ ಆರ್‌. ಧ್ರುವನಾರಾಯಣರನ್ನು ಸೋಲಿಸುವ ಸಲುವಾಗಿ ಕಣಕ್ಕೆ ಇಳಿದಿರುವುದಾಗಿ ಬಿಜೆಪಿ ಅಭ್ಯರ್ಥಿ ವಿ.ಶ್ರೀನಿವಾಸ್‌ ಪ್ರಸಾದ್‌ ಹೇಳಿದರು.
ನಗರದ ದೇವಾಂಗಪೇಟೆ ಬಡಾವಣೆಯ ವೃತ್ತ, ದೊಡ್ಡ ನಾಯಕರ ಬೀದಿ ವೃತ್ತ, ಭೀಮನಗರ ವೃತ್ತ ಮತ್ತು ಇನ್ನಿತರ ಸ್ಥಳಗಳಲ್ಲಿ ಚುನಾವಣಾ ಪ್ರಚಾರ ಸಭೆಯಲ್ಲಿ ಮತಯಾಚನೆಯ ಸಭೆಯಲ್ಲಿ ಹೇಳಿದರು.
ಸ್ವಾಭಿಮಾನ ಇದೆ: ಕಾಂಗ್ರೆಸ್‌ ನೇತೃತ್ವದಲ್ಲಿ ಸರ್ಕಾರದಲ್ಲಿ ನಾನು ಕಂದಾಯ ಸಚಿವನಾಗಿ ಉತ್ತಮ ಕೆಲಸ ನಿರ್ವಹಿಸುತ್ತಿದ್ಧ ವೇಳೆ ಏಕಾಏಕಿ ಆಗಿನ ಮುಖ್ಯಮಂತ್ರಿ ಸಿದ್ದರಾಮಯ್ಯರವರು ನನ್ನನು ಸಂಪುಟದಿಂದ ಕೈಬಿಟ್ಟರು. ಸಚಿವ ಸ್ಥಾನದಿಂದ ಕೈಬಿಡುತ್ತಿದ್ದಂತೆ ಸ್ವಾಭಿಮಾನ ಬಿಡದ ನಾನು ಶಾಸಕ ಸ್ಥಾನಕ್ಕೆ ರಾಜೀನಾಮೆ ನೀಡಿ, ಸಿದ್ದರಾಮಯ್ಯರವರ ವಿರುದ್ಧ ತೊಡೆತಟ್ಟಿ ಹೊರಗೆ ಬಂದೆ ಎಂದರು.
ಜನತೆ ಒತ್ತಾಯದ ಮೇರೆಗೆ ಸ್ಫರ್ಧೆ: ನಂತರ ನಂಜನ ಗೂಡು ವಿಧಾನಸಭಾ ಕ್ಷೇತ್ರದಲ್ಲಿ ನಡೆದ ಉಪ ಚುನಾವಣೆಯಲ್ಲಿ ಸಂಸದ ಆರ್‌.ಧ್ರುವನಾರಾಯಣ್‌, ಸಿದ್ದ ರಾಮಯ್ಯರವರ ಒಳಸಂಚಿಗೆ ಒಳಗಾಗಿ ನನ್ನಮೇಲೆ ಅಭ್ಯರ್ಥಿಯನ್ನು ಕಣಕ್ಕೆ ಇಳಿಸಿ, ನನ್ನನ್ನು ಸೋಲುವಂತೆ ಮಾಡಿದ್ದಾರೆ ಎಂದು ಸ್ವಾಭಿಮಾನ ಬಿಡದ ಯಾವುದೇ ಚುನಾವಣೆಯಲ್ಲಿ ಸ್ಪರ್ಧಿಸಬಾರದು ಎಂದು ಘೋಷಣೆ ಮಾಡಿದ್ದೆ, ಆದರೆ ಕ್ಷೇತ್ರದ ಅಭಿಮಾನಿಗಳು ಸಿದ್ದರಾಮಯ್ಯರನ್ನು ಸಲ್ಲಿಸಿದ್ದು, ನಂತರ ಅವರ ಸಂಪುಟದ ಸಚಿವರು ಸೋತ್ತಿದ್ದಾರೆ. ಉಳಿದ ಸಂಸದ ಆರ್‌.ಧ್ರುವನಾರಾಯಣ ಮಾತ್ರ ಉಳಿದಿದ್ದು, ಅವರಿಗೂ ಸೋಲಿನ ರುಚಿ ತೋರಿಸಬೇಕೆಂದು ಒತ್ತಾಯಿಸಿದ ಮೇರೆಗೆ ಸ್ಪರ್ಧೆ ಮಾಡಿದ್ದಾನೆ ಎಂದರು.
ದೇಶಾದ್ಯಂತ ಮೋದಿ ಅಲೆ: ಲೋಕಸಭೆಯ 9 ಚುನಾವಣೆಗಳನ್ನು ಎದುರಿಸಿದ್ದು, ಸೋಲು-ಗೆಲುವನ್ನು ಕಂಡಿದ್ದೇನೆ. ಈ ಬಾರಿಯ ಲೋಕಸಭಾ ಚುನಾವಣೆಯಲ್ಲಿ ಮೋದಿಯವರ ಅಲೆಯಿದ್ದು, ದೇಶಾದ್ಯಂತ ಬಿಜೆಪಿಗೆ ಹೆಚ್ಚು ಸ್ಥಾನ ಲಭಿಸಿದ್ದು, ಅವರ ಬೆಂಬಲಕ್ಕೆ ನನ್ನನ್ನು ಆಯ್ಕೆ ಮಾಡಿ ಕಳುಹಿಸಿ ಕೊಡಬೇ ಕೆಂದು ಮತದಾರರಲ್ಲಿ ಮನವಿ ಮಾಡಿದರು.
ಭೀಮನಗರ: ದಲಿತರ ಕಾಲೋನಿಗೆ ಭೀಮನಗರ ವೆಂದು ನಾನು ಸಂಸದರಾಗಿದ್ದ ವೇಳೆಯಲ್ಲಿ ನಾಮಕರಣ ಮಾಡಿಸಿದ್ದೇ, ಬಡಾವಣೆಯಲ್ಲಿ ವಾಸಿಸುವ ಜನರು ಸ್ವಾಭಿಮಾನ ಬೆಳೆಸಿಕೊಳ್ಳಲೆಂದು ಈ ಹೆಸರು ಇಡಲಾಯಿತು. ಮತ್ತು ಬಡಾವಣೆಯ ಎರಡು ಬದಿಯಲ್ಲಿ ನನ್ನ ಸಂಸದರ ಕ್ಷೇತ್ರಾಭಿವೃದ್ಧಿ ನಿಧಿಯಿಂದ ಭೀಮನಗರವೆಂದು ಕಮಾನು ನಿರ್ಮಾಣ ಮಾಡಿ ದಲಿತರ ಸ್ವಾಭಿಮಾನ ಹೆಚ್ಚಿಸಿದ್ದೇನೆ ಎಂದರು.
ಅಂಬೇಡ್ಕರ್‌ ಭವನ: ಕೇಂದ್ರದ ಎನ್‌ಡಿಎ ಸರ್ಕಾರದಲ್ಲಿ ಸಚಿವನಾಗಿದ್ದ ವೇಳೆ ದಲಿತರಿಗಾಗಿ ಒಂದು ಸಮುದಾಯ ಭವನ ನಿರ್ಮಾಣ ಮಾಡಬೇಕೆಂದು ಭಯಸಿದ್ದೇ, ಅದರಲ್ಲಿ ನಗರದ ಹೃದಯ ಭಾಗದಲ್ಲಿ ಇದ್ದ ಸ್ಥಳದಲ್ಲಿ ಭವನ ನಿರ್ಮಾಣ
ಮಾಡಲು ಕೈಗೊಳ್ಳುತ್ತಿದ್ದಂತೆ ಇತರ ಸಮಾಜದವರು ಈ ಸ್ಥಳವನ್ನು ನಮಗೆ ನೀಡಬೇಕೆಂದು ಒತ್ತಡ ಹೇರಿದರು. ಅವರ ಒತ್ತಡಕ್ಕೆ ಮಣಿಯದೆ ನಾನು ಭವನ ನಿರ್ಮಾಣ ಮಾಡಲು ಭೂಮಿ ಪೂಜೆ ಮಾಡಿದ್ದೆ, ಆದರೆ ಇದುವರೆಗೂ ಭವನ ಉದ್ಘಾಟನೆಯಾಗಿಲ್ಲ. ಭೂಮಿಪೂಜೆ ಮಾಡಿರುವ ನಾನು ಸಂಸದರಾಗಿ ನನ್ನಿಂದಲೇ ಉದ್ಘಾಟನೆಯಾಗ ಬೇಕಾಗಿ ರುವ ವಾತಾವರಣ ನಿರ್ಮಾಣವಾಗಿದೆ ಎಂದು ತಿಳಿಸಿದರು.
ಮೋದಿ ಕೈ ಬಲ ಪಡಿಸಿ: ಏ.18ರ ಚುನಾವಣೆಯಲ್ಲಿ ಬಿಜೆಪಿಗೆ ಅತಿ ಹೆಚ್ಚು ಮತ ನೀಡಿ, ನನ್ನನ್ನು ಲೋಕಸಭೆಗೆ ಆಯ್ಕೆ ಮಾಡಿ ಕಳುಹಿಸಿಕೊಡಬೇಕು ಮತ್ತು ಪ್ರಧಾನಿ ನರೇಂದ್ರ ಮೋದಿರವರ ಕೈಬಲಪಡಿಸಬೇಕೆಂದು ಮತದಾರರಲ್ಲಿ ಮನವಿ ಮಾಡಿದರು.
ಶಾಸಕ ಹರ್ಷವರ್ಧನ್‌, ಮಾಜಿ ಶಾಸಕರಾದ ಜಿ.ಎನ್‌.ನಂಜುಂಡಸ್ವಾಮಿ, ಗುರುಸ್ವಾಮಿ, ಮಾನಸ ಕಾಲೇಜು ಶಿಕ್ಷಣ ಸಂಸ್ಥೆಯ ದತ್ತೇಶ್‌, ಮುಖಂಡರಾದ ರಾಚಯ್ಯ, ಸವೇಶ್‌ ಬಸವಯ್ಯ, ಇತರರು ಇದ್ದರು.