ಶೂಟಿಂಗ್‌ ವಿಶ್ವಕಪ್‌: 25 ಮೀ. ರ್‍ಯಾಪಿಡ್‌ ಫೈರ್‌ ನಲ್ಲಿ ವಿಜಯ್‌ವೀರ್‌-ತೇಜಸ್ವಿನಿಗೆ ಬಂಗಾರ

ಹೊಸದಿಲ್ಲಿ: ಇಲ್ಲಿನ “ಡಾ| ಕರ್ಣಿ ಸಿಂಗ್‌ ರೇಂಜ್‌’ನಲ್ಲಿ ನಡೆಯುತ್ತಿರುವ ಐಎಸ್‌ಎಸ್‌ಎಫ್ ಶೂಟಿಂಗ್‌ ವಿಶ್ವಕಪ್‌ನ 25 ಮೀ. ರ್‍ಯಾಪಿಡ್‌ ಫೈರ್‌ ಪಿಸ್ತೂಲ್‌ ಮಿಶ್ರ ವಿಭಾಗದಲ್ಲಿ ಭಾರತೀಯ ಜೋಡಿಗೆ ಚಿನ್ನ ಮತ್ತು ಬೆಳ್ಳಿ ಪದಕ ಒಲಿದಿದೆ.

ವಿಜಯವೀರ್‌ ಸಿಧು-ತೇಜಸ್ವಿನಿ ಸಾವಂತ್‌ ಚಿನ್ನ ಗೆದ್ದರೆ, ಭಾರತದ ಇನ್ನೊಂದು ಜೋಡಿಯಾದ ಗುರುಪ್ರೀತ್‌ ಸಿಂಗ್‌-ಅಶೋಕ್‌ ಅಭಿದ್ನ್ಯಾ ಪಾಟೀಲ್‌ 1-9ರಿಂದ ಸೋತು ಬೆಳ್ಳಿ ಪದಕ ಪಡೆದರು. ಅರ್ಹತಾ ಸುತ್ತಿನಲ್ಲಿ ಗುರುಪ್ರೀತ್‌- ಅಭಿದ್ನ್ಯಾ ಜೋಡಿ ಅಗ್ರಸ್ಥಾನ ಪಡೆದಿತ್ತು.

ಶುಕ್ರವಾರ 25 ಮೀ. ರ್‍ಯಾಪಿಡ್‌ ಫೈರ್‌ ಪಿಸ್ತೂಲ್‌ ಸಿಂಗಲ್ಸ್‌ ವಿಭಾಗದಲ್ಲಿ ವಿಜಯವೀರ್‌ ಬೆಳ್ಳಿ ಪದಕ ಗೆದ್ದಿದ್ದರು. ಇನ್ನೊಂದು ಕಡೆ ಟ್ರ್ಯಾಪ್‌ ಮಿಶ್ರ ವಿಭಾಗದಲ್ಲಿ ಭಾರತೀಯ ಜೋಡಿಯಾದ ಕೈನನ್‌ ಚೆನಾಯ್‌-ಶ್ರೇಯಸಿ ಸಿಂಗ್‌ ಅಂತಿಮ ಹಂತದಲ್ಲಿ ಸೋತು ನಾಲ್ಕನೇ ಸ್ಥಾನ ಪಡೆದು, ಕಂಚಿನ ಪದಕ ತಪ್ಪಿಸಿಕೊಂಡಿತು.