ಶೀಲ ಶಂಕಿಸಿ ಪತ್ನಿ ರುಂಡವನ್ನೇ ಕತ್ತರಿಸಿದ ಪತಿ! : ಮೈಸೂರಿನಲ್ಲಿ ಭೀಕರ ಕೃತ್ಯ

ಮೈಸೂರು: ಶೀಲ ಶಂಕಿಸಿ ಪತಿಯೇ ಪತ್ನಿಯ ರುಂಡ ಕತ್ತರಿಸಿ ಭೀಕರವಾಗಿ ಕೊಲೆಗೈದಿರುವ ಘಟನೆ ಮೈಸೂರು ತಾಲೂಕಿನ ಚೆಟ್ಟನಹಳ್ಳಿ ಗ್ರಾಮದಲ್ಲಿ ನಡೆದಿದೆ.

ಪುಟ್ಟಮ್ಮ (40) ಕೊಲೆಯಾದ ಮಹಿಳೆ. ದೇವರಾಜ್ ಕೊಲೆ ಮಾಡಿ ಪರಾರಿಯಾದ ಪತಿ.

ದೇವರಾಜ್‌ ಗೆ ಇದು ಎರಡನೇ ಮದುವೆ. ಈ ಹಿಂದೆ ಮೊದಲ ಹೆಂಡತಿಯ ಶೀಲ ಶಂಕಿಸಿ ಕೊಲೆ ಮಾಡಲು ಯತ್ನಿಸಿ, ಜೈಲು ಪಾಲಾಗಿದ್ದ. ಆ ಬಳಿಕ ಮೊದಲ ಪತ್ನಿಯಿಂದ ದೂರವಾಗಿ, 21 ವರ್ಷಗಳ ಹಿಂದೆ ಪುಟ್ಟಮ್ಮಳನ್ನು ಮದುವೆಯಾಗಿದ್ದ.

ಇದನ್ನೂ ಓದಿ: ಟಿ.ನರಸೀಪುರ: ಇಬ್ಬರು ಪುಟ್ಟ ಮಕ್ಕಳ ಜೊತೆ ನೇಣಿಗೆ ಶರಣಾದ ತಾಯಿ  

ಪುಟ್ಟಮ್ಮ – ದೇವರಾಜ್‌ ಗೆ 20 ವರ್ಷದ ಮಗಳಿದ್ದಾರೆ. ಆದರೂ ಪತಿ ದೇವರಾಜ್‌ ಪುಟ್ಟಮ್ಮಳ ಶೀಲ ಶಂಕಿಸಿ ಆಗಾಗ ಜಗಳ ಮಾಡುತ್ತಿದ್ದ. ಕಳೆದ ಒಂದು ತಿಂಗಳಿಂದ ಪುಟ್ಟಮ್ಮಳಿಗೆ ಕಿರುಕುಳ ಹೆಚ್ಚಾಗಿತ್ತು. ಸೋಮವಾರ ಮಗಳು ಹೋಗಿದ್ದ ವೇಳೆ ಇದೇ ವಿಚಾರಕ್ಕೆ ದೇವರಾಜ್ ಕ್ಯಾತೆ ತೆಗೆದಿದ್ದ. ಮಾತಿಗೆ ಮಾತು ಬೆಳದು ದೇವರಾಜ್‌ ಪುಟ್ಟಮ್ಮಳಿಗೆ ಹಲ್ಲೆ ಮಾಡಿ, ರುಂಡವನ್ನು ಕತ್ತರಿಸಿ, ಭೀಕರವಾಗಿ ಕೊಲೆಗೈದು ಪರಾರಿಯಾಗಿದ್ದಾನೆ.

ದೇವರಾಜ್ ವಿರುದ್ದ ಮಗಳು ಪವಿತ್ರ ವರುಣಾ ಠಾಣೆಯಲ್ಲಿ ದೂರು ನೀಡಿದ್ದಾರೆ. ಪೊಲೀಸರು ಆರೋಪಿ ಬಂಧನಕ್ಕೆ ಬಲೆ ಬೀಸಿದ್ದಾರೆ.