ಭೋಪಾಲ್‌: ಪೂಜೆಗೆ ನಿರಾಕರಣೆ; ಘರ್ಷಣೆಯಲ್ಲಿ 14 ಮಂದಿಗೆ ಗಾಯ

ಭೋಪಾಲ್‌: ಮಹಾಶಿವರಾತ್ರಿ ಪ್ರಯುಕ್ತ ಶಿವನ ದೇಗುಲದಲ್ಲಿ ಪೂಜೆ ನಿರಾಕರಣೆ ಹಿನ್ನೆಲೆಯಲ್ಲಿ ಎರಡು ಜಾತಿಗಳ ನಡುವೆ ಘರ್ಷಣೆ ಉಂಟಾಗಿದೆ.

ಮಧ್ಯಪ್ರದೇಶದ ಖರ್ಗೋನ್‌ ಜಿಲ್ಲೆಯಲ್ಲಿ ಶನಿವಾರ ನಡೆದಿದೆ. ಈ ಘಟನೆಯಲ್ಲಿ ಕನಿಷ್ಠ 14 ಮಂದಿ ಗಾಯಗೊಂಡಿದ್ದಾರೆ.

ಜಿಲ್ಲೆಯ ಛಪ್ರಾ ಗ್ರಾಮದಲ್ಲಿ ಮೂರು ಜಾತಿಯ ಜನರು ಸೇರಿಕೊಂಡು ಶಿವನ ದೇಗುಲ ನಿರ್ಮಿಸಿದ್ದರು.

ಮಹಾಶಿವರಾತ್ರಿ ಅಂಗವಾಗಿ ಮತ್ತೊಂದು ಜಾತಿಯ ಜನರು ಶಿವ ದೇಗುಲ ಪ್ರವೇಶಿಸಿ, ಪೂಜೆಗೆ ಮುಂದಾಗಿದ್ದರು. ಮಾತಿಗೆ ಮಾತು ಬೆಳೆದು ಜಗಳ ಉಂಟಾಗಿ, 14 ಮಂದಿಗೆ ಗಾಯಗಳಾಗಿವೆ.

ಪೊಲೀಸರು ಕೇಸು ದಾಖಲಿಸಿ ತನಿಖೆ ನಡೆಸುತ್ತಿದ್ದಾರೆ. ಸ್ಥಳದಲ್ಲಿಯೇ ಮೊಕ್ಕಾಂ ಹೂಡಿದ್ದಾರೆ.