ತಡರಾತ್ರಿಯವರೆಗೆ ಶಾರುಖ್‌ ಖಾನ್‌ ಬರ್ತ್‌ ಡೇ ಪಾರ್ಟಿ;ಪೊಲೀಸರ ತಡೆ!

ಮುಂಬಯಿ: ಬಾಲಿವುಡ್‌ ಸೂಪರ್‌ಸ್ಟಾರ್‌ ಶಾರುಖ್‌ ಖಾನ್‌ ಅವರು ಶುಕ್ರವಾರ ತಮ್ಮ 53 ನೇ ಜನ್ಮದಿನದ ಸಂಭ್ರಮಾಚರಣೆಯಲ್ಲಿದ್ದರು.ಅದ್ದೂರಿ ಬರ್ತ್‌ಡೇ ಪಾರ್ಟಿಗೆ ಪೊಲೀಸರು ಎಂಟ್ರಿ ನೀಡಿ ತಡೆ ಹಾಕಿದ ಘಟನೆ ನಡೆದಿದೆ. 

ಬಾಲಿವುಡ್‌ ಸ್ನೇಹಿತರು ಮತ್ತು ಗಣ್ಯರೊಂದಿಗೆ ಬಾಂದ್ರಾದ ಅರ್ಥ್ ನೈಟ್‌ಕ್ಲಬ್‌ನಲ್ಲಿ  ತಡರಾತ್ರಿ 3 ಗಂಟೆಯ ವರಗೆ ಮೋಜು ಮಸ್ತಿ ಪಾರ್ಟಿ ನಡೆಯುತ್ತಿತ್ತು. ಈ ವೇಳೆ ಸ್ಥಳಕ್ಕಾಗಮಿಸಿದ ಪೊಲೀಸರು ಪಾರ್ಟಿಗೆ ಬ್ರೇಕ್‌ ಹಾಕಿದ್ದಾರೆ. 

ಪೊಲೀಸರ ಆಗಮನದ ಬಳಿಕ ಮಿತ್ರರೊಂದಿಗೆ ಶಾರುಖ್‌ ಖಾನ್‌ ಅವರು ಹೊರ ಬರುತ್ತಿರುವ ದೃಶ್ಯಗಳು ಮಾಧ್ಯಮಗಳ ಕ್ಯಾಮರಾದಲ್ಲಿ ಸೆರೆಯಾಗಿವೆ. ಹಲವು ಗಣ್ಯರು ಪೊಲೀಸರು ಆಗಮಿಸುವ ಮುನ್ನವೇ ಸ್ಥಳದಿಂದ ತೆರಳಿದ್ದರು.