FIH Pro League: ವನಿತಾ ಹಾಕಿ; ಜರ್ಮನಿಗೆ ಸೋತ ಭಾರತ

ಲಂಡನ್‌: ಎಫ್ಐಎಚ್‌ ಪ್ರೊ ಲೀಗ್‌ ಹಾಕಿ ಸರಣಿಯ ಜರ್ಮನಿ ವಿರುದ್ಧದ ಪಂದ್ಯದಲ್ಲಿ ಭಾರತದ ವನಿತೆಯರು 2-4 ಅಂತರದ ಸೋಲನುಭವಿಸಿದ್ದಾರೆ. ಇದು ಭಾರತಕ್ಕೆ ಎದುರಾದ ಸತತ 7ನೇ ಆಘಾತ!

ಆರಂಭಿಕ ಕ್ವಾರ್ಟರ್‌ನ 9ನೇ ಹಾಗೂ 15ನೇ ನಿಮಿಷದಲ್ಲಿ ಸುನೇಲಿಟಾ ಟೋಪ್ಪೊ ಮತ್ತು ದೀಪಿಕಾ ಆಕರ್ಷಕ ಫೀಲ್ಡ್‌ ಗೋಲ್‌ ಮೂಲಕ ಭಾರತಕ್ಕೆ ಮುನ್ನಡೆ ಒದಗಿಸಿದರು. ಆದರೆ ಇದನ್ನು ಉಳಿಸಿಕೊಳ್ಳಲು ಸಾಧ್ಯವಾಗಲಿಲ್ಲ. ವಿಕ್ಟೋರಿಯಾ ಹ್ಯೂಸ್‌ 23ನೇ ಹಾಗೂ 32ನೇ ನಿಮಿಷದಲ್ಲಿ ಪೆನಾಲ್ಟಿ ಕಾರ್ನರ್‌ ಮೂಲಕ ಗೋಲು ಬಾರಿಸಿ ಪಂದ್ಯವನ್ನು ಸಮಬಲಕ್ಕೆ ತಂದರು. ಬಳಿಕ ಸ್ಟಿನ್‌ ಕುಝ್ì (51ನೇ ನಿಮಿಷ), ಜೂಲ್‌ ಬ್ಲ್ಯುಯೆಲ್‌ (55ನೇ ನಿಮಿಷ) ಜರ್ಮನಿಗೆ ಮುನ್ನಡೆ ತಂದಿತ್ತರು. ರವಿವಾರದ ಕೊನೆಯ ಪ್ರೊ ಲೀಗ್‌ ಪಂದ್ಯದಲ್ಲಿ ಗ್ರೇಟ್‌ ಬ್ರಿಟನ್‌ ವಿರುದ್ಧ ಭಾರತ ಆಡಲಿದೆ.