Advertisement

ದಕ್ಷಿಣ ಆಫ್ರಿಕಾ ವಿರುದ್ಧದ ಟಿ20 ಪಂದ್ಯದಲ್ಲಿ ವೆಸ್ಟ್‌ ಇಂಡೀಸ್‌ಗೆ ಸರಣಿ ಜಯ

10:53 PM Mar 29, 2023 | Team Udayavani |

ಜೊಹಾನ್ಸ್‌ಬರ್ಗ್‌: ಆತಿಥೇಯ ದಕ್ಷಿಣ ಆಫ್ರಿಕಾ ವಿರುದ್ಧದ 3ನೇ ಟಿ20 ಪಂದ್ಯವನ್ನು 7 ರನ್ನುಗಳಿಂದ ರೋಚಕವಾಗಿ ಗೆದ್ದ ವೆಸ್ಟ್‌ ಇಂಡೀಸ್‌ 2-1ರಿಂದ ಸರಣಿಯನ್ನು ವಶಪಡಿಸಿಕೊಂಡಿದೆ.

Advertisement

ಮತ್ತೂಮ್ಮೆ ಭರ್ಜರಿ ಬ್ಯಾಟಿಂಗ್‌ ನಡೆಸಿದ ವೆಸ್ಟ್‌ ಇಂಡೀಸ್‌ 8 ವಿಕೆಟಿಗೆ 220 ರನ್‌ ಪೇರಿಸಿದರೆ, ದಕ್ಷಿಣ ಆಫ್ರಿಕಾ 6 ವಿಕೆಟಿಗೆ 213 ರನ್‌ ಗಳಿಸಿ ಸೋಲು ಕಂಡಿತು.
9ನೇ ಕ್ರಮಾಂಕದಲ್ಲಿ ಬ್ಯಾಟ್‌ ಹಿಡಿದು ಬಂದು ಸ್ಫೋಟಕ ಆಟವಾಡಿದ ರೊಮಾರಿಯೊ ಶೆಫ‌ರ್ಡ್‌ ಅವರದೇ ವಿಂಡೀಸ್‌ ಸರದಿಯ ಗರಿಷ್ಠ ಗಳಿಕೆ. ಅವರು 22 ಎಸೆತಗಳಿಂದ ಅಜೇಯ 44 ರನ್‌ ಹೊಡೆದರು (2 ಬೌಂಡರಿ, 3 ಸಿಕ್ಸರ್‌). ನಿಕೋಲಸ್‌ ಪೂರಣ್‌ 19 ಎಸೆತಗಳಿಂದ 41 ರನ್‌ (2 ಬೌಂಡರಿ, 4 ಸಿಕ್ಸರ್‌), ಆರಂಭಕಾರ ಬ್ರ್ಯಾಂಡನ್‌ ಕಿಂಗ್‌ 36 ರನ್‌ ಬಾರಿಸಿದರು.

ಚೇಸಿಂಗ್‌ ವೇಳೆ ರೀಝ ಹೆಂಡ್ರಿಕ್ಸ್‌ (83), ರಿಲೀ ರೋಸ್ಯೂ (42), ಐಡನ್‌ ಮಾರ್ಕ್‌ರಮ್‌ (ಅಜೇಯ 35) ಉತ್ತಮ ಹೋರಾಟ ಸಂಘಟಿಸಿದರೂ ಗೆಲುವು ತಂದುಕೊಡಲು ವಿಫ‌ಲರಾದರು. ಅಲ್ಜಾರಿ ಜೋಸೆಫ್ 40 ರನ್ನಿಗೆ 5 ವಿಕೆಟ್‌ ಉರುಳಿಸಿ ಹರಿಣಗಳನ್ನು ಕಾಡಿದರು. ಈ ಸಾಧನೆಗಾಗಿ ಪಂದ್ಯಶ್ರೇಷ್ಠ ಗೌರವ ಒಲಿಯಿತು. ಜಾನ್ಸನ್‌ ಚಾರ್ಲ್ಸ್‌ ಸರಣಿಶ್ರೇಷ್ಠರೆನಿಸಿದರು.

ಮಳೆಪೀಡಿತ ಮೊದಲ ಪಂದ್ಯವನ್ನು ವಿಂಡೀಸ್‌ 3 ವಿಕೆಟ್‌ಗಳಿಂದ ಗೆದ್ದಿತ್ತು. ದ್ವಿತೀಯ ಮುಖಾಮುಖೀಯಲ್ಲಿ ಚೇಸಿಂಗ್‌ ದಾಖಲೆ ನಡೆಸಿದ ದಕ್ಷಿಣ ಆಫ್ರಿಕಾ 6 ವಿಕೆಟ್‌ಗಳಿಂದ ಗೆದ್ದು ಸರಣಿಯನ್ನು ಸಮಬಲಕ್ಕೆ ತಂದಿತ್ತು.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next