ಸೆರೆನಾಗೆ ಸೋಲಿನ ಆಘಾತ

ಟೊರಂಟೊ: ನ್ಯಾಶನಲ್‌ ಬ್ಯಾಂಕ್‌ ಓಪನ್‌ ಟೆನಿಸ್‌ ಪಂದ್ಯಾವಳಿಯ ದ್ವಿತೀಯ ಸುತ್ತಿನಲ್ಲಿ ಸೆರೆನಾ ವಿಲಿಯಮ್ಸ್‌ ಸೋಲನುಭವಿಸಿದ್ದಾರೆ.

ಅವರನ್ನು ಸ್ವಿಜರ್ಲೆಂಡ್‌ನ‌ ಬೆಲಿಂಡಾ ಬೆನ್ಸಿಕ್‌ 6-2, 6-4 ನೇರ ಸೆಟ್‌ಗಳಿಂದ ಮಣಿಸಿದರು.

ಟೆನಿಸ್‌ ವಿದಾಯದ ಹೇಳಿಕೆ ನೀಡಿದ ಬಳಿಕ ಸೆರೆನಾ ಪಾಲ್ಗೊಂಡ ಮೊದಲ ಪಂದ್ಯಾವಳಿ ಇದಾಗಿದೆ. ಈ ಸೋಲಿನಿಂದ ಸೆರೆನಾ ಅವರ ನಿವೃತ್ತಿ ಸಮೀಪಿಸಿದೆ ಎಂದು ಭಾವಿಸಲಡ್ಡಿಯಿಲ್ಲ.

ಗುರುವಾರದ ಪಂದ್ಯಗಳಲ್ಲಿ ಅರಿನಾ ಸಬಲೆಂಕಾ, ಜಿಲ್‌ ಟೀಶ್ಮನ್‌, ಯುಲಿಯಾ ಪುಟಿತ್ಸೇವಾ ಮೊದಲಾದವರು ಗೆಲುವು ಸಾಧಿಸಿ ಪ್ರೀಕ್ವಾರ್ಟರ್‌ ಫೈನಲ್‌ ತಲುಪಿದ್ದಾರೆ.