ಪಾಕ್‌ ಹಣವನ್ನು ಕಲ್ಲುತೂರಾಟಕ್ಕೆ ನೀಡುತ್ತಿದ್ದರು!

ನವದೆಹಲಿ: ಪ್ರತ್ಯೇಕತಾವಾದದ ಹೆಸರಿನಲ್ಲಿ ಹುರಿಯತ್‌ ಕಾನ್ಫರೆನ್ಸ್‌ ನಾಯಕರು ಕಾಶ್ಮೀರದಲ್ಲಿ ಅಸ್ಥಿರತೆ ಸೃಷ್ಟಿಸಲು ಕಲ್ಲುತೂರಾಟಗಾರರಿಗೆ ಪಾಕಿಸ್ತಾನದಿಂದ ಬಂದ ಹಣವನ್ನು ವಿತರಿಸುತ್ತಿದ್ದರು ಎಂದು ದೆಹಲಿ ಕೋರ್ಟ್‌ಗೆ ಎನ್‌ಐಎ ಮಾಹಿತಿ ನೀಡಿದೆ. ಇದಕ್ಕೆ ಖಚಿತ ಸಾಕ್ಷ್ಯಾಧಾರವಿದೆ ಎಂದಿದೆ. ಈ ಹಿನ್ನೆಲೆಯಲ್ಲಿ ಸೋಮವಾರ ಬಂಧಿತರಾದ ಹುರಿಯತ್‌ ನಾಯಕ ಗಿಲಾನಿ ಅವರ ಅಳಿಯ ಅಲ್ತಾಫ್ ಸೇರಿ 7 ಮಂದಿಯನ್ನು 10 ದಿನಗಳ ಕಾಲ ಎನ್‌ಐಎ ವಶಕ್ಕೆ ನೀಡಿ ಕೋರ್ಟ್‌ ಆದೇಶ ಹೊರಡಿಸಿತು.